Eksakto alas nueve bukas ng gabi, tumutok sa pinakasikat na youtube channel sa bansa, ang WISH 107-5 dahil magsisimula na ang pinakaabangan at pinakabagong talent search for the next online singing sensation, ang WISHcovery. Masasaksihan na ng publiko ang online singing journey ng dalawampung indibidwal na pasok sa kompetisyon.
Sa 3rd anniversary ng FM station noong isang linggo ay iniharap na sa media ang WISHful 20 na sinala mula sa libo-libong nag-audition sa buong Pilipinas.
Sa unang episode ng show ay mas makikilala pa ng manonood ang bawat kalahok, kung ano ang kanilang mga pangarap at mga kayang gawin upang abutin ang mga ito. Ihahayag na rin kung ano-ano pa ang ibang magiging bahagi ng WISHcovery competition.
Tatlo sa mga kilala at haligi na ng music industry ang magsisilbing reactor o judge ng kumpetisyon. Ito ay sina Philippines’ King of R&B Jay-R na makikilala natin bilang Jay-R Chitect, kilalang vocal coach na si Annie Quintos na magsisilbing Annie-Lyst at de-kalibreng music producer na si Jungee Marcelo na tatawagin namang Jungee-Neer.
Samantala, si R&B prince Kris Lawrence naman ang magiging host ng programa. Ang kauna-unahang WISHcovery Grand Champion ay mag-uuwi ng tumataginting na two million peso-worth of cash and contract, brand new car at house and lot.
(Leslie Longboen / UNTV Correspondent)
Tags: Road to Stardom, wishcovery, WISHful 20
