Nakalockdown na ang Building 14 kung saan naganap ang riot kahapon na kinasangkutan ng pitong high profile inmates.
Inilagay na din sa full alert status ang buong New Bilibid Prison dahil sa posibleng gantihan umano ng mga miyembro ng comando gang at batang city jail na kapwa sangkot sa naganap na riot.
Ayon naman kay Bureau of Corrections Officer Incharge Rolando Assuncion malaki ang posibilidad na maulit pa rin ang riot sa nbp dahil sa kakulangan ng pasilidad at mga tauhan.
Kaugnay nito, nanawagan ang BuCor OIC sa agarang pagpapatupad sa modernisasyon ng NBP upang maisaayos ang seguridad dito.
(Sherwin Culubong / UNTV Correspondent)
