Pabalik na sa Kuwait sa susunod na linggo ang mechanical technician na si Ray Viñas. Kumpleto na siya sa dokumento lalo na ng Overseas Employment Certificate o OEC.
Isang taon at kalahati rin siyang nagtrabaho sa Kuwait at umuwi lang para magpakasal noong isang buwan.
Ang problema ngayon, ipinatutupad na ng Department of Labor and Employment ang total deployment ban sa mga OFW sa Kuwait kabilang ang mga nagbabakasyon sa bansa na gaya ni Ray.
Ayon kay Labor Sec. Silvestre Bello III, kailangan munang lumagda sa bilateral agreement ang pamahalaan ng Kuwait bago payagan ang mga returning OFW na makabalik doon.
Paliwanag ng kalihim, nasa kasunduan ang mga probisyon na magbibigay ng tama at sapat na proteksyon sa mga manggagawa sa Kuwait. Isa rin sa iniingatan ng DOLE na may makalusot na mga pekeng balik-manggagawa.
Ayon kay Sec. Bello, tiyak na may magsasamantala kapag pinayagang bumalik doon ang ibang OFW na nagbabakasyon lamang sa bansa. Mahigit namang ipatutupad ng Bureau of Immigration ang deployment ban ng mga OFW sa Kuwait.
Babala ni Immigration Commissioner Jaime Morente, mabigat na parusa ang haharapin ng kanilang mga tauhan na makikipagsabwatan upang palusutin ang ibang OFW na patungong Kuwait.
Samantala, hindi maintindihan ng DOLE kung bakit ayaw pirmahan ng Kuwaiti Government ang bilateral agreement gayong wala naman silang hinihinging kondisyon sa pamahalaan ng Pilipinas.
Sa araw na ito ay malalaman ang magiging kapalaran ng mga katulad ni Ray Viñas na umaasang makakaipong muli at maitataguyod ang kaniyang pinasisimulang pamilya dahil posibleng magdesisyon na si Sec. Bello kung pwede pa ring payagang makaalis ang mga balik-manggagawa.
( Roderic Mendoza / UNTV Correspondent )
Tags: DOLE, Kuwait, returning OFWs
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – Nagpaalala ang Department of Labor and Employment (DOLE) ukol sa mga private employers na entitled sa double pay ang mga empleyado na magta-trabaho ngayong araw ng Lunes, June 17, Eid’l Adha.
Nakasaad sa labor advisory number 8 ng ahensya ang computation sa payment of wages at panuntunan para sa regular holiday.
Pirmado ang nasabing abiso ni Labor and Employment Undersecretary Carmela Torres.
Kung hindi papasok sa trabaho, 100% pa rin ng arawang sweldo ang ibibigay ng employer sa empleyado.
At kung on duty pa rin sa regular holiday, 200% ng daily wage ang ibabayad sa empleyado.
Sa bisa ng Proclamation Number 579, idineklara ni Pangulong Ferdinand Marcos Jr. ang June 17 bilang regular holiday bilang paggunita sa Eid’l Adha o Feast of Sacrifice ng mga muslim.
Tags: DOLE, Holiday DOuble Pay
METRO MANILA – Pag-aaralan pa ng Department of Labor and Employment (DOLE) kung dapat irekomenda sa mga kumpanya ang pagpapatupad ng 4 day work week sa gitna ng matinding init ng panahon.
Sa isang panayam, sinabi ni Undersecretary Benjo Benavidez na kung makikita nilang kailangan ito para sa kaligtasan o mapagbubuti pa ang productivity ng mga manggagawa ay hindi sila mag aatubili na i-suggest ito sa mga employer.
Gayunman, sinabi ng DOLE na sa huli ay nasa mga may ari pa rin ng kumpanya ang pagpapasya kung magpapatupd ng bagong schedule ng mga empleyado.
Tags: DOLE
