Humihingi pa ng mas mahabang panahon si Camarines Sur Representative Leni Robredo upang mapagpasyahan ang alok ng Liberal Party na maging running mate ni Mar Roxas sa 2016 elections.
Sinabi ni Congresswoman Robredo na sa ngayon ay nasa proseso pa rin siya ng pag-intindi sa mga maaaring maging epekto nito sa kanilang buhay.
Ayon kay Robredo, bagamat seryoso niyang ikono-konsidera ang alok ng L-P ay kailangan rin aniyang isaalang-alang ang pananaw ng kanyang mga anak.
Isa pa aniya sa mga isinasa-alang alang nya sa pagdedesisyon ay ang kakulangan niya sa resources at mababang ratings sa mga survey.
Bukas ay nakatakda na sanang i-anunsyo ng administration party ang kanilang buong line up para sa darating na halalan.
