METRO MANILA – Nakaka-alarma ang pagtaas sa 15,000 na mga reklamo kontra online selling scam na nairecord ng Department of Trade and Industry (DTI) ngayong 2020 kumpara sa 2005 filed-complaints noong 2019.
Kabilang dito ang isang nagngangalang Mr Chang, na inirereklamo ang isang sikat na online-selling application matapos na di natanggap ang cell phone na inorder diumano nito sa kanyang salaysay sa programang Serbisyong Bayanihan ngayong ika-7 ng Disyembre.
Matapos umanong makipagtransaksyon ang buyer-complainant sa isang nagpakilalang manager-representative ng online selling application ay 2 beses siyang nagbayad ng downpayment via Gcash ngunit hindi tumupad sa napag-usapan ang accused-party kaya’t dumulog ito sa Serbisyong Bayanihan sa pag-asang mabawi ang perang kanyang inilabas.
Ayon naman kay Attorney Vic Dimagiba ng Laban Konsyumer Inc., estafa ang pwedeng ikaso sa suspected-party ngunit bagamat basic right ng complainant-buyer ang mag avail ng refund ay kinakailangan makapagkita ito ng kaukulang dokumento na magpapatunay sa online transaction ng involved-parties.
Bilang isa ring online-shopper, payo ng resource speaker na laging humingi ng official receipt katunayan na ang isang online seller ay rehistrado sa Bureau of Internal Revenue.
Payo pa ng presidente ng pro-consumer group, dapat na maging mapanuri ang mga mamimili ngayong laganap ang mga transaksyon kung saan di nakikita, nahahawakan, at nakikilatis ang mga ibinebentang produkto sa online markets.
Dapat ding alaming maigi ng bumibili ang impormasyon tungkol sa produktong nais bilhin, kabilang na ang kaakibat na terms and conditions nito.
Bilang isang mamimili, dapat din humanap ang isang buyer ng mas madaming online markets para makapagsagawa ng price-comparison at huwag basta maniwala sa endorsements ng ibang tao.
Kaugnay nito ay nirekomenda ni Atty. Dimagiba sa World Economic Forum na magkaroon ng mga professional at 3rd party na magsasagawa ng independent at professional market review.
Palala ng DTI sa mga konsyumer , sa panahon ng krisis mas maiging maging maalam ang publiko sa kanilang mga karapatan upang makaiwas sa mga online selling scam.
(April Jan Bustarga | La Verdad Correspondent)
Tags: consumer, DTI, online selling
METRO MANILA – Nalagpasan ng Pilipinas sa kauna-unahang pagkakataon ang $100-B exports noong 2023.
Ayon sa export marketing bureau ng Department of Trade and Industry (DTI), ang full-year total exports ng bansa sa goods at services ay umabot sa $103.6-B noong nakaraang taon.
4.8 percent na mas mataas kumpara noong 2022.
Ayon sa DTI, ang paglago ng export ng Pilipinas ay dahil sa paglakas ng performance ng Information Technology at Business Process Management (IT-BPM) sectors.
Dagdag pa rito ang pagtaas ng kita mula sa turismo.
Tags: DTI
METRO MANILA – Ipapatupad na sa Lunes ang pinalawak na price cap sa mga basic necessities at prime commodities.
Ito ay matapos pirmahan ng Department of Trade and Industry (DTI) at Department of Agriculture (DA) ang joint administrative order para sa 5% discount ng mga Senior Citizens at Persons With Disability (PWD).
Kung saan mas malaki na ang kanilang matitipid sa mga produkto na kanilang bibilhin.
Ayon sa (DTI), mga local na produkto ang karamihang pasok sa diskwento at aplikable na rin ang 5% discount sa pagbili online.
Nilinaw naman ng DA na hindi kasama sa diskwento ang mga Kadiwa store, mga barangay micro business at mga kooperatiba na naka rehistro sa Cooperative Development Authority.
METRO MANILA – Nagpatupad ng price freeze sa essential commodities ang Department of Trade and Industry (DTI) sa 2 bayan sa Oriental Mindoro dahil sa El Niño.
Sakop nito ang mga bayan ng Bulalacao at mansalay na naideklarang isasailalim sa state of calamity dahil sa tagtuyot.
Sa loob ng 60 araw, hindi dapat gagalaw ang presyo ng delatang isda, processed milk, kape, sabong panlaba, sabon panligo, tinapay at bottled water.
Ang sinomang lalabag sa kautusan ay mahaharap sa hanggang 10 taong pagkakakulong o multang mula P5,000 hanggang P1-M.
Tags: DTI, Price freeze
