Pinakahihintay ng sambayanang Pilipino ang kauna-unahang State of the Nation Address ng ika- 16 na Pangulo ng Pilipinas Pres. Rodrigo “Roa” Duterte.
Habang nanonood ang ating mga kababayan ay di mapigilang matawa at matuwa sa bawa’t biro at salitang binibitawan ng Pangulo na nakalaan para sa buong bayan.
Naniniwala ang ating mga kababayan na matutupad ng Pangulo ang mga inilatag sa kaniyang SONA.
Maging sa iba’t ibang dako ng bansa ay tinututukan at inilaan ng ating mga kababayan ang kanilang oras upang pakinggan ang mga gagawin pang pagbabago sa bansa.
Kita rin sa reaksyon ng mga Dabawenyo ang kagalakan ng makita ang dating alkalde ng lungsod na magpahayag ng kaniyang talumpati bilang isa nang Pangulo.
Sa mga katagang “Change is Coming” noong siya ay nanunuyo pa lang sa boto ng taong bayan, na bago ito ng “Change has Come” noong araw na siya ay nailuklok bilang Pangulo.
Ngayong narinig na ng sambayanan ang kaniyang mga plano para sa bayan, umaasa ang mga Pilipino na maisakatuparan ang mga pagbabago tungkol sa pag-unlad sa loob ng anim na taong panunungkulan ng Pangulong Rodrigo “Roa” Duterte sa Pilipinas.
(Aiko Miguel/UNTV Radio)
Tags: Pres. Rodrigo “Roa” Duterte, State of the Nation Address
Wala pa ring binabanggit si Pangulong Rodrigo Duterte na partikular na presidential candidate na kaniyang ieendorso at susuportahan. Ito ay kahit may nalalabi na lamang na kulang dalawang buwan bago ang May 9, 2022 general elections.
Subalit inihayag naman ni Presidente Duterte ang mga katangian ng isang kandidatong dapat iboto ng publiko at nais nitong humalili sa kaniya sa pwesto.
Ayon sa Punong Ehekutibo, dapat compassionate, maawain o mahabagin ang isang presidente at dapat mapagmahal sa tao.
Dagdag pa ni Pangulong Duterte, dapat ding determinado.
Kaya isa sa magandang katangian aniya ng susunod na magiging Pangulo ng bansa ang pagiging isang abugado.
Pangatlo, mahusay dapat aniyang kumilatis ng tao.
Samantala, sa sampung tumatakbong kandidato sa pagka-presidente sa bansa para sa darating na halalan, tanging sina Vice President Leni Robredo at Jose Montemayor lamang ang mga abugado.
Rosalie Coz | UNTV News
Tila isang bagong umaga para sa lahat ng mga Pilipino ang unang State of the Nation Address ni Pangulong Rodrigo Roa Duterte.
Lalo na at naging hayag ito sa iba’t-ibang isyu na kailangang masolusyunan.
Inisa isa ni Duterte ang mga solusyon na nakahanda para sa sektor ng transportasyon.
Una ay ang pag improve sa Pasig River Ferry bilang alternative mode of transportation.
Pagpapaigting sa anti-colorum campaign, paglipat sa mga terminal labas ng Metro Manila, pag maximize sa paggamit ng mga lansangan at secondary roads.
Pabibilisin rin ang delivery ng mga dagdag na tren sa MRT at LRT upang mapaigsi ang mahahabang pila sa mga istasyon, gagawin ring 3 minutes ang headway sa mga istasyon at pahahabain ang operating hours sa LRT.
Gagawin rin ng administrasyon na maging available ang mga MRT at LRT ticket sa lahat ng mga mall at convenience stores.
Isusulong rin ang connectivity sa mga malalaking syudad sa pamamagitan ng isang epektibong rail system, ipinangako ni Duterte na magkakaroon ng rail system sa Mindanao at Visayas, isang rail system rin na magdudugtong sa Clark airport at Metro Manila ang gagawin.
Ililipat naman ang general aviation sa Sangley Point sa Cavite upang madecongest ang NAIA.
Sinigurado rin ni Duterte na pabibilisin nya ang pag proseso sa mga dokumento at aplikasyon gaya ng mga permit at mga clearances maging ang pag extend sa expiry ng lisensya sa limang taon.
Magkakaroon rin ng free wifi access sa lahat ng mga airport, seaport, trains stations at mga terminal.
Subalit mapapabilis ang lahat ng proyektong ito kung ibibigay ng kongreso ang hinihingi ng Pangulo.
Nakiusap si Duterte sa mga miembro ng mababa at mataas na kapulungan ng kongreso na ibigay sa kanya ang special powers upang mapabilis ang pag resolba sa problema sa traffic.
(Mon Jocson/UNTV Radio)
Tags: Pangulong Rodrigo Roa Duterte, State of the Nation Address, transportasyon
“I am now announcing a unilateral ceasefire with the CPP/NPA/NDF effective immediately and call on our fellow Filipinos in The National Democratic Front and its forces to respond accordingly.”
Ito ang isa sa mga highlight ng unang State of the Nation Address ni Pangulong Rodrigo Duterte kahapon.
Sa kaniyang talumpati sa bayan, hinikayat niya ang lahat ng mga Pilipino, partikular na ang mga Moro, at mga miyembro ng rebeldeng grupo na tapusin na ang deka-dekadang pakikipagbaka ng Pilipino sa kapwa Pilipino.
Ani Pangulong Duterte, hindi matutumbsasan ng mga medalya ng kabayanihan at kagitingan maging ng cash assistance ang pangungulila ng bawat balo at naiwang anak ng mga nasawing sundalo at rebelde dahil sa pakikipaglaban.
Target ng ika-16 na Pangulo ng bansa na makamit ang pangmatagalang kapayapaan sa Pilipinas bago pa man matapos ang kaniyang anim na taong termino.
Kaya naman naki-usap din siya sa CPP-NPA-NDF na tumbasan ang deklarasyon ng tigil-putukan ng pamahalaan.
Sa ika-20 hanggang ika-27 ng Agosto sa Oslo, Norway, nakatakda ang muling pag-uusap ng pamahalaan at CPP-NPA-NDF tungkol sa pangmatagalang kapayapaang minimithi ng lahat ng mga administrasyong nagdaan.
(Rosalie Coz/UNTV Radio)
