Isang Raymund bus na byaheng Naga City galing Cubao ang nasunog sa kahabaan ng Maharlika highway sa Brgy Bical, Libmanan, Camarines Sur bandang alas-8:00 kaninang umaga.

Ayon sa driver ng bus na si Crisanto Bustamante, sumabog ang hulihang gulong ng bus at bigla na lamang itong nagliyab.

Hindi umano niya akalain na magkakaproblema sa preno ng bus dahil maayos naman ang kondisyon nito nang umalis sila ng terminal.

Agad namang nakababa ang 60 pasahero ng bus bago ito tuluyang nilamon ng apoy.

Wala namang nasaktan o nasugatan sa insidente.(Roderic Mendoza/UNTV News)

Tags: Camarines Sur, Raymund bus