Ipinasya ni Quezon City Mayor Herbert Bautista na huwag munang tumakbo bilang senador sa 2016 National Elections.
Ginawa ni Bautista ang desisyon matapos na kausapin ang kanyang pamilya, mga kaibigan sa loob at labas ng pulitika at spiritual adviser.
Sinabi ni bautista na marami pa ang dapat na asikasuhin sa lungsod tulad ng pagkumpleto sa mga nakabinbin na proyekto gaya ng waste-to-energy project, Philippine Diamond Tower at Quezon City Socialized Housing Project.
Kinunsidera rin ni Bautista sa pagdedesisyon ang payo sa kanya ng presidential sister na si Kris Aquino kaya ipinasya nitong tumakbong muli bilang alkalde ng Quezon City sa halip na senador.
(Photo/Official Facebook of Mayor Herbert Bautista)
Muling ipinagpaliban ang nakatakdang pag aanunsyo ngayong araw ng pinal na Senatorial line up ng Liberal Party para sa 2016 elections
Ayon sa kampo ni Mar Roxas, ito’y upang bigyan ng karagdagang oras si Quezon City Mayor Herbert Bautista na makapag-isip at komunsulta sa kanyang pamilya.
Isa rin sa dahilan ng pagpapaliban ang ginawang desisyon ni MMDA Chairman Tolentino na mag-withdraw sa L-P Senatorial slate
Muling itinakda ang announcement sa Lunes, October 12.
Napuno ng mga rescue unit at kunwaring biktima ng lindol ang isang open area sa Veterans Memorial Medical Center o VMMC sa isinagawang shake drill kaninang umaga.
Ang VMMC ang magiging sentro ng Northern Quadrant na kinabibilangan ng Quezon City, Caloocan, Valenzuela, San Juan at Mandaluyong.
Dito ilalagay ang command center para sa relief operation at evacuation.
Ang isang parking area ay ginawang incident command post kung saan isinagawa ang medical triage scenario.
Dito isasagawa ang assessment sa mga pasyente na nasugatan matapos ang kunwari’y magnitude 7.2 na lindol.
May mga nabagsakan ng bagay, nabalian at ibat-iba pang injury na tinamo dahil sa lindol.
Ayon sa Phivolcs kung saka-sakali na tatama ang magnitude 7.2 na lindol ay maaaring magiwan ito ng mahigit sa 113k na injured kaya’t dapat paghandaan ng pamahalaan ang ganitong sinaryo
Sa initial assessment ni Quezon City Mayor Herbert Bautista sa shake drill nasa 8 out of 10 na ang coordination at response ng mga ahensya ng pamahalaan kung sa umaga mangyayari ang lindol.
Kasama rin sa drill ang UNTV Fire Brigade at News and Rescue Team.
Gagamitin naman ng MMDA ang kuha ng UNTV Drone para sa kabuoang assessment ng shake drill.
Tags: News and Rescue Team, Quezon City Mayor Herbert Bautista, UNTV Fire Brigade, Veterans Memorial Medical Center
