May mga bagong sasakyan na na magagamit ang mga pulis Quezon City matapos pormal na i-turn over ngayong araw sa dito sa Camp Karingal ang 50 bagong patrol cars mula sa Quezon City Government.
Ayon kay Mayor Herbert Bautista ito ay bilang pagsuporta nila sa mga pulis na katulong ng lokal na pamahalaan sa pagsugpo sa krimen.
Bukod dito, nag donate rin sila ng 800 bulletproof vest.
Nakatakda rin aniyang magbigay ng 500 piraso ng 9mm glock pistol at 150 tricycle ang QC Government upang magamit ng mga nagrorondang pulis.
Tutulong din ang QC Government sa paglalagay ng mga cctv camera sa lahat ng police station sa lungsod.
Nagpasamat naman si PNP Chief Ronald Dela Rosa sa tulong ng lokal na pamahalaan at sinabing sana ay tularan ito sa iba pang mga lungsod sa bansa.
Panawagan nito sa mga pulis na gagamit ng mga bagong patrol cars na ingatan ito at tiyaking gagamitin sa pagroronda at pagpapanatili ng kapayapaan sa lungsod.
(Grace Casin / UNTV Correspondent)
Tags: 50 patrol cars at 800 bullet proof vest, QC Government, QCPD
