Dead on the spot ang isang pulis na hinihinalang drug pusher matapos umanong manlaban sa kaniyang mga kabaro sa isinigawang Oplan Tokhang sa Virginia Drive Baesa, Quezon City dakong alas otso y medya kagabi.
Nakilala ang napatay na si PO3 Ariel Arnaiz, 50 anyos na nakaassign sa Caloocan Police Station at dating ding pulis Quezon City.
Ngunit ayon sa anak ng napaslang na pulis, nakikipagusap ang kanilang ama sa mga operatiba sa labas ng kanilang bahay nang bigla itong tumakbo sa kanilang kwarto at pinaputukan ng mga pulis.
Nagtamo ng tama ng bala sa ulo, mukha, at sa tagiliran ang pulis.
Sa ngayon ay patuloy ang imbestigasyon ng mga otoridad sa insidente.
(Reynante Ponte / UNTV Radio Correspondent)
