Patay ang narco-cop sa buy bust operation sa Infanta, Quezon kaninang umaga.
Batay sa inisyal na imbestigasyon, nagsagawa ng anti-drug operation ang PNP Counter Intelligence Task Force sa Brgy. Pilaway Infanta, Quezon kaninang alas syiete qurentay quatro ng umaga.
Kinilala ang napatay na pulis na si PO2 Ian Rey Abitona at kasama sa drug watchlist o tinatawag na narco-cop.
Ayon kay PNP-CITF commander Senior Superintendent Romeo Caramat Jr., nakipagpalitan umano ng putok ng baril si Abitona sa mga pulis.
Isa umanong protektor at dealer ng iligal na droga si Abitona sa Infanta, Quezon.
Narelieve si Abitona bilang intel and Drug Enforcement Unit operative at inilipat bilang desk officer. Ngunit sa kabila nito ay patuloy pa rin umano sa iligal na gawain si Abitona.
Kaya naman isinagawa ang isang buy bust operation na nauwi sa pagkasawi ng suspek.
Tags: buy bust operation, iligal na droga, PO2 Ian Rey Abitona
