Laguna, Philippines – Sinampahan na ng kasong evasion through negligence si Police Staff Sergent Erick Yrigan matapos matakasan ng tatlong preso sa Calauan, Laguna, Martes ng madaling araw, May 26, 2020.
Habang nagpapamasahe umano ito sa isang preso, nakakita naman ng pagkakataon, ang tatlo pang preso na sinamantala ng mga ito upang makatakas.
“Bale sa ngayon ay restricted siya, so, nandito pa rin sa istasyon namin. Pero bukas o siguro sa susunod na araw, dadalhin nga po sa holding office doon sa provincial office namin doon sa Sta. Cruz,” sinabi ni PSMS Jerome Dulangan, Caluan Municipal Police Station sa phone interview.
Naibalik na sa kulungan ang dalawa subalit patuloy na pinaghahanap ang isa pang pugante na si Noel Ibareta na may kasong murder.
Nagbigay na ng 20 libong pisong pabuya ang PNP kung sino man ang makakapagturo sa kinaroroonan nito.
Pinalitan na rin sa pwesto ang hepe ng Calauan Police isang araw matapos ang insidente.
(Sherwin Culubong)
METRO MANILA – Bumaba ang bilang ng krimen sa Davao City ngayong taon batay sa record ng Davao City Police Office.
Mula January hanggang May 2024, umabot lamang sa 1,759 ang naitalang crime incident sa lungsod na mas mababa sa kaparehong period noong nakaraang taon na 1,831 cases.
Nangunguna parin dito ang mga kaso ng pagnanakaw, pagpatay at rape.
Bumaba rin ang bilang ng mga naiuulat na index crime ngayong 2024 tulad murder, homicide, physical injury, rape, robbery, theft at carnapping.
Ayon sa Davao City Police, ang pagbaba ng krimen ay dahil sa maigting na pagpapatupad ng police operation at peace and order sa lungsod.
Sa kabila rin ito ng isyung kinaharap ng Davao City PNP tulad sa paghahanap sa Religious Group Leader na si Apollo Quiboloy at sa kamakailang pag-relieve sa 35 pulis sa kanilang dako.
Patunay lamang ito na nanatili paring isa sa safest city sa Asia ang Davao City.
Tags: crime rate, Davao, PNP
METRO MANILA – Nagbabala ang Bureau of Immigration (BI) sa mga dayuhan laban sa paggawa ng bomb jokes dahil maaaring ma-deny ang kanilang pagpasok sa bansa, o kaya naman ay ma-deport.
Ayon kay BI Commissioner Norman Tansingco, hinihikayat ng ahensya ang mga foreigner na iwasan gumawa ng anomang pahayag o biro na maaaring ituring na banta sa seguridad.
Inilabas ng ahensya ang pahayag matapos na maantala ng 5 oras ang Japan-bound flight ng Philippine airlines PR412 matapos na makatanggap ng bomb threat call ang airport authority mula sa hindi nagpakilalang babae.
Tags: BI, Bomb Jokes, PNP
METRO MANILA – Ipinagbabawal na ng Philippine National Police (PNP) ang pagkakaroon ng tattoo sa lahat ng uniformed at non-uniformed personnel nito.
Ayon kay PNP Public Information Office Chief PCol. Jean Fajardo, mayroong polisiya ang PNP na nagbabawal sa paglalagay ng tattoo sa katawan lalo na yung nakalabas sa uniporme.
Hindi naman tatanggapin ng PNP ang mga aplikante na mayroong tattoo kahit na nakatago ito sa katawan.
Binalaan naman ng pulisya ang mga hindi susunod sa polisiya na burahin ang mga visibile na tattoo sa katawan na isasailalim sila sa imbestigasyon.
