Dead on the spot ang presidente at chairman ng North Triangle Alliance Multi-Purpose Transport & Cooperative matapos pagbabarilin ng isa sa tatlong hindi pa nakikilalang suspek sa NTA Montalban Heights, Rodriguez, Rizal kahapon.

Ayon sa ilang miyembro at opisyales ng nasabing kooperatiba, habang nagpupulong sila ay pumasok ang isa sa mga suspek sa loob ng opisina at nagpanggap na maga-apply ito ng prangkisa.

Mga ilang minuto pa ang lumipas, pumasok ang isa pang suspek at saka pinagbabaril ang biktimang si Noel Cleofe sa ulo gamit ang kwarenta y singkong baril.

Agad naman tumakas ang mga suspek lulan ng motorsiklo na nakaparada sa tapat mismo ng opisina.

Patuloy naman ang imbestigasyon ng mga otoridad sa motibo ng pamamaril.

– Student Reporter Rannie-lyn Ramirez