Isinusulong ngayon sa US Congress na idagdag sa 2017 budget ang mahigit one billion US dollars upang labanan ang patuloy na pagtaas ng kaso ng drug abuse at overdoses sa Estados Unidos.
Sa tala ng National Institute on Drug Abuse halos 2.4 na milyong Amerikano ang nahaharap sa problema sa prescription drug addiction.
Ayon sa Center for Disease Control and Prevention o CDC, noong nakaraang taon ay mahigit apatnaput pitong libo ang nasawi sa Estados Unidos dahil sa drug overdose.
Ang opiods ay mga gamot na tumutulong upang maibsan ang sakit na nararamdaman pasyente gaya ng morphine at codeine.
Inererekomenda naman ng CDC ang prescription drug monitoring programs upang ma-identify kaagad ng mga doktor kung mahigit na ba sa kinakailangan ang ginagamit ng isang pasyente.
(UNTV RADIO)
Makalipas ang mahigit sa isang daang taon ay naibalik na rin sa mga mamamayan ng Balangiga, Easter Samar ang tatlong makasaysayang kampana ng Balangiga.
Mag a-alas singko ng hapon noong Sabado dumating si Pangulong Rodrigo Duterte sa Balangiga Gymnasium para pangunahan ang handover ceremony ng mga ito.
Personal na iniabot ng Pangulo kay Balangiga Mayor Randy Graza ang certificate of transfer ng Balangiga bells na ibinigay naman nito sa simbahan.
Muli namang sinabi ng Pangulo na hindi dapat akuin ng sinomang opisyal ng pamahalaan o personalidad ang pagbabalik sa bansa ng mga kampana. Ang tinig umano ng mga mamamayan ang nakapagpabalik nito.
Ipinaabot din nito ang pasasalamat sa Estados Unidos dahil sa pagtupad sa hiling ng mga Balangiga-on na maisauli ang Balangiga bell.
1901 nang kunin ng mga Amerikanong sundalo ang tatlong Balangiga bells bilang war booty, at makalipas ang 117 taon ay muling narinig ng mga Balangigan-on ang tunog ng kanilang kampana.
Umaasa ang lokal na pamahalaan ng Balangiga na magiging daan ang pagsasauli ng Balangiga bells upang mapalakas ang turismo at ekonomiya sa kanilang lugar.
( Jenelyn Gaquit-Valles )
Sa isinagawang Veterance Remembrance Ceremony sa Warren Air Force Base sa Estados Unidos, pormal nang inunsyo ni United States Defense Secretary James Mattis na isasauli na ng Amerika sa Pilipinas ang Balangiga bells.
Dumalo sa programa si Philippine Ambassador to the United States of America, Jose Manuel Romualdez. Ipinapakita ni Mattis kay Ambassador Romualdez na maayos ang Balangiga bells.
Sa memorial marker nito nakasulat na ang naturang mga kampana ay mula sa Samar, Philippines.
Ang pagtunong ng kampana noong 1901 ay nagsilbing senyales ng pag-atake ng bolo tribesmen sa mga sundalong Amerikano.
Gumanti ang Company C ng 9th U.S. Infantry Group at ito ang tinaguriang Balangiga massacre.
Una nang binanggit ni Pangulong Rodrigo Duterte kay Mattis noong nakaraang taon sa Defense Ministers Meeting sa Clark Air Base na ibalik ang Balangiga bells sa Pilipinas.
Matapos ang 117 taon, ibabalik na ng U.S. Government ang makasaysayang kampana.
Bagaman wala pang eksaktong petsa ang pagdating ng mga Balangiga bell, base sa inisyal na plano, dadalahin muna ang mga kampana sa isang pasilidad sa Philadelphia at doon ihahanda para naman dalahin muna sa South Korea, kung nasaan naman ang isa pang kampana.
Inaasahang kumpleto itong maibabalik sa Pilipinas bago magtapos ang taong 2018.
( JL Asayo / UNTV Correspondent )
Tags: Balangiga bells, Estados Unidos, Pilipinas
Ang film o pelikula ay isa sa mga epektibong paraan upang makapagtawid ng mensahe sa publiko.
At kagabi, labingdalawang pelikulang Pinoy ang kumurot ng iba’t-ibang emosyon sa isinagawang Short and Sweet Film Festival sa Maynila. “Short and Sweet” kung ito’y tawagin dahil ang bawat istorya ay hindi lalampas ng sampung minuto.
Sa loob lamang ng maiksing oras, mahusay na naipakita ng filmmakers ang kanilang creativity at nakapaghatid ng makabuluhang mensahe. Itinanghal na People’s Choice ang short film na “Aswang”.
Samantala, wagi naman ang “The First Day of School” bilang Best Film.
Ang dalawang short films na ito ang magiging entry ng bansa sa Short and Sweet International Film Festival.
Isa sa mga nagsilbing hurado sa film fest kagabi ang UNTV host at news anchor na si Angela Lagunzad.
Unang pagkakataon pa lang na sumali ang Pilipinas sa naturang film festival noong nakaraang taon, ngunit nakakuha agad ng mga parangal ang film entry ng bansa gaya ng best director at best cinematographer.
Kaya naman, lalo itong nagbigay ng inspirasyon sa mga Pinoy filmmaker.
Umaasa naman ang mga kalahok na Filipino filmmakers na muling makasungkit ng awards ang bansa sa kumpetisyon na isasagawa sa Los Angeles, California sa susunod na buwan.
( Leslie Longboen / UNTV Correspondent )
Tags: Estados Unidos, Filipino short films, International Film Festival
