
Dinepensahan ni incoming President Rodrigo Duterte ang paninindigang muling pagbuhay sa death penalty.
Sa kanyang pangunguna sa oath-taking ni Senator Elect Manny Pacquiao sa Saranggani Province kahapon, sinabi nito na ang death penalty ay hindi lamang para sa crime prevention.
“Hindi iyan to deter. Whether you like to commit a crime or not, that’s not my business. Iyong death penalty to me is the retribution. Magbayad ka sa ginawa mo sa buhay na ito.” Pahayag ni Duterte
Una ng sinabi ni Duterte habang nangangampanya pa lamang na muli niyang bubuhayin ang death penalty sa bansa sa kabila ng pagtutol ng iba’t ibang grupo.
(UNTV RADIO)

Aabot sa labintatlong Senador ang posibleng bumoto pabor sa pagbabalik ng parusang kamatayan sa bansa. Ito ay sina Senate President Vicente Sotto III, Senators Bong Go, Ronald dela Rosa, Sherwin Gatchalian, Aquilino Pimentel III, Panfilo Lacson, Lito Lapid, Imee Marcos, Bong Revilla, Francis Tolentino, Cynthia Villar, Pia Cayetano at Manny Pacquiao.
“Basta death penalty, kahit anong paraan, lethal injection, kahit ano, basta death penalty,” ani Sen. Manny Pacquiao.
Sapat na ang bilang na ito kung tutuusin upang makalusot ang panukala sa mataas na kapulungan ng Kongreso. Subalit may posibilidad na maaaring umatras ang ibang Senador. Dahil magkakaiba ang nais nilang bersyon. Mayorya sa kanila ay nais na limitahan lamang ang death penalty sa high level drug trafficking. Taliwas sa nais ni Pangulong Rodrigo Duterte na isama sa saklaw ng death penalty ang plunder.
Hati din ang pananaw ng mga Senador kung paano isasagawa ang death penalty.
Sampung Senador naman ang nagpahayag na ng pagtutol sa panukala.
Ito ay sina senators Franklin Drilon, Risa Hontiveros, Leila de Lima, Francis Pangilinan, Juan Miguel Zubiri, Richard Gordon, Grace Poe, Nancy Binay, Ralph Recto at Joel Villanueva.
Si Senator Sonny Angara, wala pang posisyon sa panukala at nais munang pakinggan ang debate.
Sa ibang panukalang batas, limang Senador ang nagpahayag ng suporta sa pagpapasa ng mandatory Reserve Officers’ Training Corps bill. Ngunit pagdedebatehan pa dito kung akma nga ito para sa grade 11 at 12.
Sina senators hontiveros at marcos naman ay tutol sa panukala.
“So hindi pwede yan sa mga kabataan, sabi ni Presidente k11 at k12 parang makikusap po ako kontra yan sa mga pinirmahan nating un (United Nations) resolutions,” ani Sen. Imee Marcos.
Sa pagpapasa naman ng panukalang pagpapaliban ng Sangguniang Kabataan at Barangay Elections sa October 2022 mula May 2020.
Ayon kay Senator Francis Tolentino, posibleng maaprubahan agad ito ng Senado.
“Mukhang lusot na ‘yun talagang i-eextend ‘yun, ‘di ko nakita ang draft bills nila, pero mauuna sa agenda ng local government ‘yun,” sinabi ni Francis Tolentino.
(Nel Maribojoc | UNTV News)
Tags: death penalty, Sen. Manny Pacquiao, Senate, Senate President Vicente Sotto III

Sang ayon ang Philippine National Police na ibalik ang death penalty sa bansa.
Sa State of the Nation Address kahapon, nanawagan sa Kongreso si Pangulong Rodrigo Duterte na ibalik ang parusang kamatayan para sa mga sangkot sa heinous crimes, iligal na droga at plunder.
Naniniwala si PNP Chief Police General Oscar Albayalde na “game changer” ang pagpapatupad ng naturang parusa sa pagpapababa sa krimen.
“Ang importante dito ay we convict those people na talagang we know that their guilty, yun yung stand natin but we support. Kaya kailangan talaga ay maayos,” ani PGen. Oscar Albayalde Chief, PNP.
Una nang sinabi ng PNP na dapat na pag aralang mabuti ang panukalang pagbuhay sa death penalty.
Kailangan din umanong ayusin ang criminal justice system sa bansa bago ibalik ang parusang kamatayan.
Dagdag pa ni Albayalde, sakaling matuloy ang pagpapatupad sa naturang panukala dapat ang maging saklaw nito ay mga drug lord, drug smuggler at ang kanilang mga financier at hindi ang mga ordinaryong drug user at pusher.
“Ito ay talagang heinous hindi naman yung street pushing ito, baka sabihin ng mga tao ay street pushing, hindi street pushing itoy mga big time depende sa appreciation ng Congress yan kung ilang kilo ang ma-recover sa isang tao para sa ma-cover ng death penalty,” sinabi ni ani PGen. Oscar Albayalde Chief, PNP.
Una na ring sinabi ng Commission on Human Rights o chr na kailangang magkaroon ng frank at factual na diskusyon kung totoong epektibo ang death penalty laban sa kriminalidad.
Ayon sa CHR kailangan parusahan ang mga nagkasala subalit dapat bigyang halaga rin ang buhay.
Samantala, pabor din ang pambansang pulisya na ibalik ang mandatory ROTC sa grade 11 & 12.
“The very important their is the sense of nationalism, love of country at patroitism sa Pilipino lalo na sa mga kabataan. Not to mention na napakaliit nating bansa, we have to defend our country in case of war,” ayon kay PGen. Oscar Albayalde Chief, PNP.
Aniya, posibleng nakita ng pangulo na bumababa ang pagmamahal ng mga Pinoy sa bansa kayat nais niyang ibalik ang ROTC sa mga senior high school.
(Lea Ylagan | UNTV News)
Tags: death penalty, PNP
Iprinisinta kanina ng Commision on Human Rights (CHR) ang resulta ng isinagawang survey ng Social Weather Station (SWS) hinggil sa pananaw ng mga Pilipino ukol sa death penalty. Ito ay kaalinsabay ng paggunita sa 16th World Day Against Death Penalty.
Lumabas sa survey na pito sa bawat sampung Pilipino ang tutol sa panukalang muling buhayin ang death penalty sa bansa, habang isa sa bawat sampung Pilipino naman ang naniniwalang makatutulong ang death penalty upang maresolba ang problema ng iligal na droga sa Pilipinas.
Nakita rin sa survey na ang mga pulitiko ang personalidad na pinaka hindi rumerespeto sa usapin ng karapatang pantao.
Isinagawa ang survey sa dalawang libong respondent na may edad labing lima pataas noong ika-22 hanggang ika-27 ng Marso.
Ayon kay CHR Commissioner Karen Gomez Dupit, plano nilang isumite ang resulta ng survey sa Kongreso upang igiit sa mga mambabatas ang mariing pagtutol ng maraming Pilipino sa pagbuhay sa death penalty.
Bukod sa SWS survey, ipinunto rin ng CHR na marami pang ibang pag-aaral ang maaring magpatunay na hindi solusyon ang death penalty sa mga nangyayaring krimen sa bansa. Kaisa rin sa mga tumututol sa panukalang death penalty si senator Leila De Lima.
Sa pahayag na inilabas ng senadora, iginiit nito ang importansya ng karapatang mabuhay ng sinoman kaya’t hindi aniya makatwiran ang pagpapairal ng parusang kamatayan.
Idinepensa rin ng mambabatas na ang maayos at patas na justice system ang paraan upang mapigilan ang anomang kriminalidad.
Taong 2006 nang ipawalang-bisa ang pagpapatupad ng death penalty sa bansa sa ilalim ng panunungkulan ni dating pangulo at ngayo’y House Speaker Gloria Macapagal-Arroyo.
Una nang sinabi ni Pangulong Rodrigo Duterte na nais nyang muling pairalin ang death penalty sa bansa, sa hangaring masawata ang kriminalidad at problema sa iligal na droga.
Sa ngayon, aprubado na sa mababang kapulungan ng Kongreso ang panukalang ibalik ang death penalty, subalit wala pa ring bersyon ang Senado para dito.
( Joan Nano / UNTV Correspondent )
Tags: 16th World Day Against Death Penalty, death penalty, Pilipino