METRO MANILA – Handa si Pangulong Rodrigo Duterte na gawin ang lahat ng paraan upang resolbahin ang ilang problemang lumulutang ngayon sa gitna ng paglobo ng kaso ng COVID-19 sa bansa.
Ayon sa Pangulo, kung tutuusin ay wala namang dapat problemahin.
Inihalimbawa ng pangulo ang isyu sa paghahanap ng karagdagang covid beds ng mga ospital.
“Itong quandary natin na ito nagaaway away tayo dito there is really no problem, huwag na ninyo masyadong sabihin na lack of materials, resources, for example the beds, nandiyan yan, we can go as many as kung and kailangan, I can even use the police power of the state, you know what, I can order the authorities to take over the operations of hotel kung wala na talagang mga kama” ani Pres. Rodrigo Duterte.
Nagtatrabaho rin aniya ang gobyerno at ginagawa ang lahat upang makakuha ng bakuna kontra COVID-19.
“Do not be afraid government is working, government is busy doing everything not nothing , government is trying to get the things to fix all of us ,kung mga baggy na run, nandiyan pero wala sa ting camay”
Nabanggit sa pulong kagabi ng pangulo ang tungkol sa pagkakaroon ng sariling vaccine manufacturer ng bansa.
Humiling si Department of Trade and Industry Ramon Lopez sa pangulo para magkaroon ng green lane o mabilis na proseso sa pagkuha ng governmet permits sa pagtatayo nito.
Aprubado naman ito ng punong ehekutibo.
“I asked everybody to cooperate , itong procurement of locally produce subject to standards docs and prices, madali lang ito kung trabahuhin mo ito”ani Pres. Rodrigo Duterte.
Ayon kay Secretary Lopez, may mga kausap na silang kumpanya para sa produksyon ng sariling bakuna ng bansa. Ngunit hindi muna niya ito idinetalye.
(Nel Maribojoc | UNTV News)
Tags: Covid-19, Duterte administration
METRO MANILA – Tiniyak ng Department of Health (DOH) na may pondo ang kagawaran para labanan ang bagong COVID-19 variants.
Taliwas ito sa ulat na wala umano itong nakalaang budget para makabili ng bakuna kung sakaling kailanganin sa bansa kaugnay ng bagong variants na KP.2 at KP.3 dahil may contingency fund ang ahensya.
Samantala, tiniyak naman ng DOH na hindi na mangyayari ang naranasan ng bansa nang manalasa ang COVID-19 pandemic noong 2020 hanggang 2022.
Hindi rin maituturing na mapanganib ang sitwasyon ng COVID-19 sa ngayon sa gitna ng bahagyang pagtaas ng kaso at banta ng bagong variants.
METRO MANILA – Nananatiling kumakalat at dahilan ng pagkamatay ng ilang indibidwal ang COVID-19.
Ayon sa World Health Organization (WHO), noong Disyembre ay nakapagtala ito ng mataas na bilang ng hawaan dahil sa mga pagtitipon noong holiday season, at sa JN.1 variant.
Sa panahong ito, aabot sa 10,000 ang bilang ng mga nasawi at tumaas din ang hospitalization at ICU admissions kumpara noong Nobyembre.
Tiniyak naman ng Department of Health (DOH) na patuloy silang magbabantay at nakaalerto sa banta ng COVID-19.
Ayon sa DOH, sa kasalukuyan ay mababa lamang ang mga kaso ng hawaan at namamatay sa bansa dahil sa virus.
METRO MANILA – Itinanggi ng Department of Health (DOH) ang kumakalat ngayon na pekeng impormasyon na nagsasabing mayroong panibagong COVID-19 wave sa Metro Manila.
Ayon kay Department of Health Asst. Secretary Albert Domingo, pababa na ang bilang ng mga nagpopositibo sa sakit batay sa datos ng ahensya.
Kahit umano sa mga ospital ay wala namang naoobserbahang labis na pagdami ng admissions.
Batay sa record ng DOH, mula December 26, 2023 hanggang January 1, 2024, mayroon lamang 3,147 new cases kung saan ang average number ng mga bagong kaso kada araw ay nasa 449, mababa ng 10% kung ikukumpara noong December 19 to 25, 2023.
At sa bilang na ito, 40 o katumbas lamang ng 1.28% ang nasa kritikal na kondisyon.
Nagbabala din ang kagawaran na magsasampa ng criminal charges sa sinomang sangkot sa pagpapakalat ng fake news kung magtutuluy-tuloy ito.
Ayon sa kagawaran, sa patuloy na pagbaba ng mga kaso, malaking bagay pa rin ang pagsunod at pagpili ng mga Pilipino sa “healthy behavior” gaya na lamang ng pagsusuot ng face mask kung kinakailangan at pananatili sa bahay kung may sakit.
