Binigyan pa ng Commission on Elections ng 10 araw si Senador Grace Poe upang isumite ang kanyang counter-affidavit bilang tugon sa disqualification case na inihain ni Rizalito David, isang natalong senatorial candidate noong 2013.

Ayon sa legal counsel ni Poe na si Atty. George Garcia, naglabas ang hearing official ng law department ng Comelec ng ‘oral order’ na nagpapahintulot sa senadora na makapagsumite ng kanyang counter-affidavit sa loob ng 10 araw.

Samantala, itinanggi ng kampo ni Poe na sa kanila nanggaling ang liham na nagsasabing aatras na ang senadora sa 2016 presidential race.

“May nagsabi sa akin at pinakita ang kopya ng isang liham na pinapadala online na diumano’y ako daw ay umatras na sa labanang ito. Wala pong katotohanan yan. Sa katotohanan nga po, patuloy ang aming pagtatrabaho para maihatid ang mensahe sa kung anong magagawa natin para makatulong sa ating mga kababayan,” pahayag ni Sen. Poe.