Muling nanguna si Sen. Grace Poe sa latest Pulse Asia survey para 2016 elections.
Batay sa naturang survey na isinagawa mula Oktubre 18 hanggang 29, 2015 sa 3,400 na respondents, nasa unang pwesto pa rin ng listahan si Poe na nakakuha ng 39%.
Tumaas pa ang rating ng senadora ng 13 puntos mula sa 26% na nakuha niya noong Setyembre.
Nasa pangalawang pwesto naman si Vice President Jejomar Binay na nakakuha ng 24% mula sa dating 19%.
Nanatili naman sa ikatlong pwesto si dating Interior Sec. Mar Roxas na nakakuha ng 21 percent.
Sen. Miriam Defensor-Santiago ay nakakuha 11% mula sa 3% sa nakaraang survey.
Sa vice presidential race, muli ring nangunguna ang running mate ni Poe na si Senator Francis “Chiz” Escudero na nakakuha ng 43%.
Pumangalawa kay Escudero si Sen. Ferdinand “Bongbong” Marcos Jr. (21%), sumunod si Sen. Alan Peter Cayetano (11%),Camarines Sur Rep. Leni Robredo (7%) at Sen. Antonio Trillanes IV (6%).
