Inihayag ni Philippine National Police Chief Police Director General Ronald Dela Rosa na paglalaanan niya ng panahon sa susunod na taon ang paglilinis sa kanilang hanay.
Ito ay kasunod ng puna ni dating PNP Chief at ngayo’y senador Panfilo Lacson na kulang pa ang anti-drugs effort sa hanay ng mga pulis.
Ayon kay General Dela Rosa, mas magiging epektibo ang paglaban nila sa iligal na droga kung malilinis ang kanilang hanay mula sa mga scalawag.
Samantala, ipinagmalaki ng PNP na naabot na nila ang mahigit 70-percent sa target na one-point-eight million drug surrenderers sa ilalim ng kampanya kontra iligal na droga.
