Plano ng Philippine National Police na humingi ng tulong sa Royal Malaysia Police at International Criminal Police Organization o Interpol sa pagtugis sa sinasabing drug lord na si Kerwin Espinosa.

Una nang napaulat na nagtungo sa Malaysia noong Hunyo ang anak ni Albuera Leyte Mayor Ronaldo Espinosa.

Kahapon ay naglabas na ng warrant of arrest laban sa mag-ama ang Regional Trial Court Branch 14 sa Baybay City para sa kasong possession of illegal drugs at unlawful acquisition or possession of firearms and ammunition.

Sa ngayon ay pansamantalang nakakulong sa Baybay City Provincial Jail si Mayor Espinosa matapos hindi payagan na makapagpiyansa.

Tags: pagtugis kay Kerwin Espinosa, planong humingi ng tulong sa Malaysian police at Interpol, PNP