Hindi pa man tapos ang Oplan Summer Vacation ng Philippine National Police ay pinaghahandaan na rin nito ang seguridad para sa pagbabalik eskwela ng mga estudyante sa Hunyo.

Ayon kay PNP PIO Chief Police Chief Superintendent Wilben Mayor, magdaragdag sila ng mga tauhan sa university belt na karaniwang sinasamantala ng mga masasamang loob.

Maging sa mga terminal, airport at seaports ay may mga naka-deploy pa ring mga pulis para sa pagdagsa ng mga pasahero at estudyante mula sa mga lalawigan.

Maglalagay din ng mga police assistance desk sa labas ng mga eskwelahan na magbabantay sa pagpasok at paglabas ng mga estudyante.

(Lea Ylagan / UNTV Correspondent)

Tags: Hunyo, mga estudyante, pagbabalik eskwela, PNP