METRO MANILA – Binigyang diin ni Department of the Interior and Local Government (DILG) Usec Epimaco Densing III na may legal na basehan ang mga otoridad na manghuli ng mga indibidwal na tahasang lalabag sa face mask mandate sa Cebu.
Ang pahayag ng DILG ay bunsod ng pagmamatigas ni Cebu Governor Gwendolyn Garcia na manatili ang kanyang kautusan sa lalawigan na gawing optional na lamang ang pagsusuot ng face mask.
Nguni’t ayon kay Usec Densing ang national government ang nagpapatupad nito at marapat lang na sundin.
Ayon din sa Philippine National Police at Department of Health (DOH), bagamat inirerespeto nila ang pamamalakad ni Gov. Garcia sa kanyang nasasakupan, mas mananaig pa rin ng direktiba ng IATF lalo at aprubado naman ito ni Pangulong Rodrigo Duterte.
Paalala pa ng DOH, bukod sa COVID-19, ang pagsusuot ng face mask ay proteksyon din sa iba pang nakahahawang sakit tulad ng Monkeypox.
(Aiko Miguel | UNTV News)
METRO MANILA – Hinikayat ng DILG ang mga Local Governments Units (LGUs) na i-update ang kanilang disaster action plans at hazard maps para sa pagpasok ng La Niña phenomenon.
Ayon kay DILG Undersecretary Marlo Iringan, kinakailangan na regular na magdaos ng pagpupulong ang mga lokal na opisyal at magsagawa ng la nina pre-disaster risk assessment.
Nanawagan din ito ng agresibong paglilinis ng Estero at daluyan ng tubig upang maiwasan ang mga pagbaha bilang bahagi ng mitigation measures sa ilalim ng operation listo ng ahensya.
Kinakailangan din na masuri ang integridad at kapasidad ng mga evacuation center at huling opsyon na lamang ang paggamit ng paaralan.
Nauna ng inatasan ni Pangulong Ferdinand Marcos Jr. ang mga LGU na maghanda sa paparating na La niña sa kabila pa rin ito ng nararanasang El niño ng bansa.
METRO MANILA – Binuo ni Pangulong Ferdinand Marcos Junior ang isang special committee na tututok sa pagtatanggol at pagpapalakas sa karapatang pantao sa bansa.
Batay sa Administrative Order (AO) Number 22 na nilagdaan ni Executive Secretary Lucas Bersamin nitong May 8, nakasaad na pamumunuan ang komite ng nabanggit na opisyal at ni Justice Secretary Crispin Remulla bilang Co-Chair nito.
Magiging katuwang nila ang mga kalihim ng Department of Foreign Affairs (DFA) at ng Department of the Interior and Local Government (DILG).
Isa sa pangunahing tungkulin ng komite ang mag-imbestiga, kumuha ng datos hinggil sa mga hnihinalang human rights violations ng law enforcement agencies at makipagtulungan sa private sectors.
METRO MANILA – Nagbigay na ng direktiba si Pangulong Ferdinand Marcos Junior sa Department of the Interior and Local Government (DILG) at mga law enforcement agency na palakasin ang kampanya laban sa mga umaabuso sa mga kabataan.
Ikinabahala kasi ng pangulo ang online sexual abuse o exploitation of children at child sexual abuse o exploitation materials sa bansa, partikular na sa Cagayan De Oro, Iligan at sa Taguig City.
Tiniyak naman ng Philippine National Police na gagawin ang lahat ng paraan para matukoy ang mga nagpapatakbo ng ilegal na gawain na ito kahit na may hamon sa paggamit ng teknolohiya.
Tags: Child Online Abuse, DILG, PBBM
