Bibigyang seguridad ng Philippine National Police ang mga magsasagawa ng operation baklas sa mga campaign poster ng mga kandidato na wala sa otorisadong lugar ng Commission on Elections
Kaugnay ito ng request ng COMELEC sa PNP nabigyang seguridad ang mga tauhan ng Metro Manila Development Authority at department of public works and highways na magsasagawa ng operation baklas.
Ayon kay PNP PIO Chief P/CSupt. Wilben Mayor, 2 tauhan ng PNP ang itatalaga sa bawat team sa operation baklas kung hindi delekado ang lugar.
Ngunit kung nasa listahan ng election hotspots o areas of concern at dadagdagan nila ito.
Sinabi ng heneral, tanging pagbibigay seguridad lamang ang magiging papel ng mga pulis at hindi kasama sa mag-aalis ng mga illegal poster.
Ang COMELEC na rin ang magsasabi kung saang lugar magsasagawa ng operation baklas.
Umaasa naman si Mayor na makikipagtulungan din ang mga barangay official sa pagsita sa mga supporter ng mga kandidato na nagpapaskil ng campaign materials sa mga ipinagbabawal na lugar.
Tulad sa mga kable at poste ng kuryente, sa punong kahoy at mga pampublikong establisyimento na hindi naman kabilang sa designated areas.
Ang mga campaign poster ay pinapayagan lamang na idikit o ilagay sa mga itinalagang common posters area ng mga barangay.
(Lea Ylagan/UNTV News)
Tags: COMELEC, operation baklas, PNP
METRO MANILA – Bumaba ang bilang ng krimen sa Davao City ngayong taon batay sa record ng Davao City Police Office.
Mula January hanggang May 2024, umabot lamang sa 1,759 ang naitalang crime incident sa lungsod na mas mababa sa kaparehong period noong nakaraang taon na 1,831 cases.
Nangunguna parin dito ang mga kaso ng pagnanakaw, pagpatay at rape.
Bumaba rin ang bilang ng mga naiuulat na index crime ngayong 2024 tulad murder, homicide, physical injury, rape, robbery, theft at carnapping.
Ayon sa Davao City Police, ang pagbaba ng krimen ay dahil sa maigting na pagpapatupad ng police operation at peace and order sa lungsod.
Sa kabila rin ito ng isyung kinaharap ng Davao City PNP tulad sa paghahanap sa Religious Group Leader na si Apollo Quiboloy at sa kamakailang pag-relieve sa 35 pulis sa kanilang dako.
Patunay lamang ito na nanatili paring isa sa safest city sa Asia ang Davao City.
Tags: crime rate, Davao, PNP
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Nagbabala ang Bureau of Immigration (BI) sa mga dayuhan laban sa paggawa ng bomb jokes dahil maaaring ma-deny ang kanilang pagpasok sa bansa, o kaya naman ay ma-deport.
Ayon kay BI Commissioner Norman Tansingco, hinihikayat ng ahensya ang mga foreigner na iwasan gumawa ng anomang pahayag o biro na maaaring ituring na banta sa seguridad.
Inilabas ng ahensya ang pahayag matapos na maantala ng 5 oras ang Japan-bound flight ng Philippine airlines PR412 matapos na makatanggap ng bomb threat call ang airport authority mula sa hindi nagpakilalang babae.
Tags: BI, Bomb Jokes, PNP
