Pormal nang inanunsyo ngayong araw ni PNP Chief Ronald Dela Rosa sa flag raising ceremony ng PNP ang kanilang pagbabalik sa kampanya ng pamahalaan kontra iligal na droga.

Ang bagong grupo ay tatawaging “PNP-Drug Enforcement Group” na pangungunahan ni Police Senior Superintendent Garciano Mijares, ang kasalukuyang Region-3 Deputy Director for Administration.

Ayon kay Dela Rosa, sisikapin nilang hindi na magiging madugo at marahas ang kanilang pagbabalik sa lansangan at pagtugis sa mga criminal at drug personalities.

Tiniyak nito na piling pili ang mga taong inilagay sa nasabing grupo upang matiyak na hindi na ito mahahaluan ng mga tiwaling pulis.

Tags: Chief Ronald Dela Rosa, Dela Rosa, PNP, war against drugs