Sa kabila ng nalalapit na pagbaba sa pwesto ay marami paring mga aktibidad na dadaluhan si PNP Chief PDG Ricardo Marquez sa iba’t- ibang police regional offices.

Ayon kay PNP PIO Chief PCSupt. Wilben Mayor, dito ihahayag ng general, ang pagpapasalamat sa suportang ibinigay sa kanya habang PNP chief at pagpapa-alam na rin na bababa na siya sa puwesto sa susunod na buwan.

Samantala, kinumpirma naman ni Gen. Marquez na kina-usap at pinagbilinan na niya ang papalit sa kanya na si PCSupt. Ronald Dela Rosa.

Isa sa ibinilin nya kay Gen. Dela Rosa ay ang magsilbi itong ama ng organisasyon na syang mangunguna sa ipinatutupad nilang batas at nagtatanggol sa mga tauhan na nasa panig ng tama.

Kaya naman, handa raw kastiguhin ni incoming PNP Chief Pcsupt. Ronald Dela Rosa ang mga pulis na sumisira sa imahe ng PNP subalit hindi naman daw nya pababayaan ang mga nagtatrabaho ng maayos.

Si Gen. Marquez ay nagpahayag na magsusumite ng courtesy resignation sa July 1 kasunod ng inauguration ng bagong pangulo, upang bigyan ito nang layang pumili nang nais nyang mamuno sa pambansangpulisya.

(Lea Ylagan / UNTV Correspondent)

Tags: iba’t-ibang police regional at provincial offices, Mga tauhan, PNP Chief PDG Ricardo Marquez