METRO MANILA – Ipinag-utos na ni Pangulong Rodrigo Duterte na sirain ang lahat ng nakumpiskang ilegal na droga ng mga awtoridad.
Sa kaniyang public address, binibigyan ni Pangulong Duterte ang mga awtoridad ng isang Linggo para sirain ang mga nasabat na kontrabando.
“I want all the shabu residual or otherwise, however minimal, destroyed, the whole of it by next week. You have so many days to do it in one week. Do it in one week. Destroy and get specimen,” ani Pangulong Rodrigo Duterte.
Ayon sa Philippine National Police (PNP) at ang Philippine Drug Enforcement Agency (PDEA) tatalima sila sa utos ni pang. Duterte.
Ito’y upang maiwasan ang pangamba ng publiko na nagre- recycle ang mga otoridad ng droga mula sa nakukumpiskang nila sa mga operasyon.
Ayon kay PNP Chief PGen. Camilo Cascolan, nag usap na sila ng PDEA ukol dito dahil sa pdea dinadala ng PNP ang mga nakukumpiska nilang ilegal drugs.
“Actually napag usapan na namin yan dati ng pdea, okey naman, actually within three days dapat yun ang usapan within three days dapat wala na yan, susunugin na yan”ani PNP Chief PGen. Camilo Cascolan.
Base RA 9165 o Dangerous Drugs Act of 2002 Sec. 21. Matapos na makapag file ng criminal case laban sa suspect, kailangan ng korte na na magsagawa ng ocular inspection sa nakumpiskang ilegal na droga sa loob ng 72 hours at sisirain ito ng pdea sa loob ng 24 na oras sa presensya ng judge, media at kawani ng barangay.
Sinabi naman ng PDEA na ginagawa na nila ito sa katunayan noong Agosto ay sinunog nila ang nasa P13.36-B na halaga ng ilegal na droga sa Trece Martirez Cavite.
Mayroon din aniya silang dapat na naka schedule na 800 kilo ngayong october ngunit ipinare schedule ito ng judge sa nobyembre dahil sa conflict of schedule.
Dagdag pa ni PDEA Director General Wilkins Villanueva nasa 700 kilos pa mula sa archive cases ang kailangan nilang sirain.
“ Hindi naman natin ma destroy kasi walang accuse, representative of the accuse so hindi pwede idestroy.. Marami tayong nire- resolve ngayon, pipilitin namin na one week matapos yung kay presidente, pipilitin namin” ani PDEA Director General Wilkins Villanueva.
(Lea Ylagan | UNTV News)
METRO MANILA – Bumaba ang bilang ng krimen sa Davao City ngayong taon batay sa record ng Davao City Police Office.
Mula January hanggang May 2024, umabot lamang sa 1,759 ang naitalang crime incident sa lungsod na mas mababa sa kaparehong period noong nakaraang taon na 1,831 cases.
Nangunguna parin dito ang mga kaso ng pagnanakaw, pagpatay at rape.
Bumaba rin ang bilang ng mga naiuulat na index crime ngayong 2024 tulad murder, homicide, physical injury, rape, robbery, theft at carnapping.
Ayon sa Davao City Police, ang pagbaba ng krimen ay dahil sa maigting na pagpapatupad ng police operation at peace and order sa lungsod.
Sa kabila rin ito ng isyung kinaharap ng Davao City PNP tulad sa paghahanap sa Religious Group Leader na si Apollo Quiboloy at sa kamakailang pag-relieve sa 35 pulis sa kanilang dako.
Patunay lamang ito na nanatili paring isa sa safest city sa Asia ang Davao City.
Tags: crime rate, Davao, PNP
METRO MANILA – Nagbabala ang Bureau of Immigration (BI) sa mga dayuhan laban sa paggawa ng bomb jokes dahil maaaring ma-deny ang kanilang pagpasok sa bansa, o kaya naman ay ma-deport.
Ayon kay BI Commissioner Norman Tansingco, hinihikayat ng ahensya ang mga foreigner na iwasan gumawa ng anomang pahayag o biro na maaaring ituring na banta sa seguridad.
Inilabas ng ahensya ang pahayag matapos na maantala ng 5 oras ang Japan-bound flight ng Philippine airlines PR412 matapos na makatanggap ng bomb threat call ang airport authority mula sa hindi nagpakilalang babae.
Tags: BI, Bomb Jokes, PNP
METRO MANILA – Ipinagbabawal na ng Philippine National Police (PNP) ang pagkakaroon ng tattoo sa lahat ng uniformed at non-uniformed personnel nito.
Ayon kay PNP Public Information Office Chief PCol. Jean Fajardo, mayroong polisiya ang PNP na nagbabawal sa paglalagay ng tattoo sa katawan lalo na yung nakalabas sa uniporme.
Hindi naman tatanggapin ng PNP ang mga aplikante na mayroong tattoo kahit na nakatago ito sa katawan.
Binalaan naman ng pulisya ang mga hindi susunod sa polisiya na burahin ang mga visibile na tattoo sa katawan na isasailalim sila sa imbestigasyon.
