Batid ni incoming PNP Chief PCSupt. Ronald Dela Rosa na kailangan ng Anti-Illegal Drugs Group o AIDG ang malaking pondo upang maipatupad ang paglaban sa iligal na droga sa buong bansa.
Kaya naman sa kanyang pagupo sa pwesto, isusulong niya na malaanan ng malaking budget ang intelligence fund ng AIDG.
Irereshuffle rin niya ang lahat ng tauhan sa District at Regional Anti-Illegal Drugs Special Operations Task Force o DAID at RAID.
Uumpisahan ang balasahan sa lahat ng mga operatiba at opisyal ng pnp sa july 1.
Kung dati ay bawal tumanggap ng reward ang mga pulis, tiniyak ngayon ni Gen. Bato na makatatangap na ang mga pulis na makahuhuli at makapapatay ng mga drug lord ayon na rin sa pangako ni President-elect Rodrigo Duterte.
Naniniwala naman ang heneral na kahit na walang reward ay maayos pa ring magtatrabaho ang mga pulis bilang pagtupad sa kanilang tungkulin.
(Lea Ylagan / UNTV Correspondent)
