Dapat ituloy na ni House Speaker Pantaleon Alvarez ang plano na alisan ng committee chairmanship ang mga miyembro ng Super Majority Coalition na bumuto laban sa Death Penalty Reimposition Bill.
Ayon kay Magdalo Party List Rep. Gary Alejano, posibleng makaapekto sa kredibilidad ng liderato ng Kamara kung ipagpapaliban ito.
Lalabas din aniyang pananakot lang ang ginawa ni Speaker Alvarez upang makakuha ng boto sa kanyang isinusulong na panukalang batas.
Sinabi naman ni House Speaker Pantaleon Alvarez na tuloy ang reshuffle ngunit ipinapaubaya na niya kay House Majority Floor Leader Rodolfo Fariñas ang pagpapatupad nito.
(Mon Jocson / UNTV Correspondent)
Tags: ilang committee chairmanship, Lower House, Magdalo Rep. Gary Alejano
Suportado ng chairperson ng House Committee on Suffrage and Electoral Reforms na si Citizens Battle Against Corruption o CBAC Parylist Representative Sherwin Tugna ang layunin ng panukalang ipagpaliban muli ang barangay at Sangguniang Kabataan elections sa October 2017.
Ayon sa mambabatas, posibleng makapasa agad ang panukalang ipagpaliban ang halalan hanggang taong 2020.
Ngunit sa kabila nito, tiyak aniya na dadaan sa debate ang usapin sa pagtatalaga ng mga officer-in-charge sa mga barangay.
Naalarma naman ang ilang mambabatas sa plano ni Pangulong Rodrigo Duterte na paga-appoint ng barangay officials.
Samantala naniniwala naman si Congressman Tugna na may posibilidad na sa taong 2020 ay maisabay na rin sa bagong takdang eleksyon ang proseso sa pagpapasa ng mga panukalang amiyenda sa konstitusyon.
(Nel Maribojoc)
Tags: 2020, brgy, Lower House, Rep. Tugna, SK polls
Sa botong 216-54 pasado na sa ikatlo at pinal na pagbasa ng Mababang Kapulungan ng Kongreso ang House Bill Number 4747.
Sa 257 na miyembro ng lower na present sa plenaryo, nakakuha ng mayoryang boto ang panukala.
Ipinaliwanag naman ng mga anti-death penalty congressmen ang kanilang hindi pagpabor sa panukala.
Ilan pa sa mga kilalang Liberal Party members na bumoto ng “no” ay sina Congressmen Vilma Santos, Edcel Lagman, Jorge Banal, Gabriel Bordado, Raul Daza, Raul Del Mar, Edgar Erice, Josephine Ramirez-Sato, Kit Belmonte.
Sina Quezon City Congressman at dating LP Vice Chair at Speaker Sonny Belmonte at Marikina City Representative Miro Quibo ay bumoto naman pabor sa panukala.
Samantala, nanganganib naman na mawalan ng chairmanship committee ang ilang miyembro ng LP at majority members na hindi pumabor sa Death Penalty Reimposition Bill.
Ito ay sina Dinagat Island Representatives Kaka Bag-ao na may hawak ng Peoples Participation Committee, Kit Belmonte ng Land Use, Recto ng Civil Service and Professional Regulation, Antonio Tinio ng Public Information, Carlos Zarate ng Natural Resources, Emmi De Jesus ng Poverty Alleviation at Mariano Velarde ng Overseas Workers Affairs.
Bago ang naging botohan kahapon ay sinabi na ni House Speaker Pantaleon Alvarez na may listahan na siya ng posibleng mga papalit sa mga kongresista.
Sa ilalim ng inaprubahang substitute bill, ipapataw ang parusang kamatayan sa mga drug related offenses maliban sa illegal drugs possession.
Tiniyak naman ng opposition congressmen na ipagpapatuloy nila ang pagtutol sa panukala sa Senado at hanggang sa Korte Suprema.
(Nel Maribojoc / UNTV Correspondent)
Tags: aprubado, Lower House, parusang kamatayan
Kamakailan ay sinimulan na ng mga tauhan ng Metropolitan Manila Development Authority ang clearing operations sa mga major at secondary road upang maayos itong magamit ng publiko.
Kabilang sa mga inalis ang mga maliliit na tindahan at mga nakaparadang sasakyan sa mga side walk at center island.
Bagamat marami ang natuwa, meron din namang nagalit.
Kaya naman isang panukalang batas ang isinusulong ngayon sa Mababang Kapulungan ng Kongreso upang magkaroon ng regulasyon at mahigpit na ipagbawal ang pagharang sa mga bangketa maging sa mga ilegal na pumaparada sa mga pampublikong kalsada.
Sa ilalim ng proposed bill ni Surigao del Norte Representative Robert Barbers, mahigpit na ipagbabawal na magtayo ng mga istraktura, negosyo, mga basura o anumang harang sa mga bangketa na para lamang sana sa mga daanan ng tao.
Temporary permit lamang ang dapat na ibigay ng mga otoridad kung gagamitin ang mga pampublikong kalsda upang paradahan o anumang aktibidad na posibleng makaapekto naman sa daloy ng trapiko.
Kung maisabatas ang panukala ay maaaring magmulta ng mula isanlibo hanggang sampung libong piso ang lalabag rito at makumpiska ang mga nakaharang sa bangketa at i-impound naman ang mga sasakyan.
(Nel Maribojoc / UNTV Correspondent)
