Pinsala ng bagyong Lando sa Agrikultura sa Tarlac, tinatayang aabot sa mahigit P800 million.

by Radyo La Verdad | October 20, 2015 (Tuesday) | 3725

tarlac typhoon

Sa partial damage assessment ng Agriculture Department ng Tarlac, tinatayang mahigit 500 milyong pisong halaga ng mga pananim na palay ang napinsala ni bagyong Lando sa lalawigan ng Tarlac.

Nasa 33 milyong pisong halaga din ng mga gulay at iba pang mga high value crops ang nasira at aabot sa 300 milyong piso naman ang pinsala sa livestock industry.

Ayon kay Ginang Rowena Tabamo, Regianal Director ng Department of Agriculture sa Tarlac, aabot sa 833 million pesos ang kabuuang pinsala sa agrikultura ng lalawigan.

Samantala, unti-unti nang naibabalik ang suplay ng kuryente sa mga bayan na pansamantalang pinutol ang suplay nito sa kasagsagan ng pananalasa ng bagyong Lando.

Nagsisibalikan na rin sa kanilang mga tahanan ang mga kababayan nating lumikas.

Sa initial na ulat ng DSWD ay nasa 367 na tao ang inilikas sa mga evacuation center mula sa 28 barangay, 10,115 naman ang naapektuhan sa pagbaha sa 7 municipalidad.

Nananatili namang isolated ang barangay ang barangay Buenos a bayan ng Capas dahil sa pagkasira ng access road papasok sa lugar.

Ang isang bahagi ng Aquino Bridge naman sa Tarlac City ay pinangangambahang bumigay kapag nasira ng malakas na daloy ng tubig ang pundasyon nito.

(Bryan Lacanlale / UNTV News Correspondent)

Tags: , ,

Mga barangay official, hinikayat na suportahan ang kampanya kontra kriminalidad, kurapsyon at iligal na droga

by Radyo La Verdad | May 30, 2018 (Wednesday) | 11037

Sabay-sabay na nanumpa ang mga bagong halal na barangay officials sa Tarlac noong Lunes.

Panauhin sa okasyon si Special Assistant to the President Christopher Bong Go.

Sa kaniyang talumpati, hiniling ni Go ang suporta ng mga opisyal sa kampanya ng pamalaan laban sa iligal na droga, krimen at kurapsyon.

Malaki aniya ang papel na ginagampanan  na mga opisyal ng barangay lalo na pagdating sa peace and order situation at drug campaign.

Positibo naman ang tugon ng mga bagong halal na opisyal sa mga programang ito ng pamahalaan.

Nagbabala naman si Go sa mga barangay opisyal na sangkot sa iligal na droga.

 

 

Tags: , ,

Sundalo na, magsasaka pa, inilunsad ng Northern Luzon Command sa Tarlac

by Radyo La Verdad | February 8, 2018 (Thursday) | 12405

Inilunsad ng Armed Forces of the Philippines Northern Luzon Command katuwang ang Agricultural Training Institute o ATI, Department of Agriculture, local government units, at mga stake holders ang programang “Sundalo na, magsasaka pa!”  sa Camp Servillano Aquino sa Tarlac City.

Ito ay extension project ng Norther Luzon Command para sa mga sundalo at kanilang pamilya.

Layunin nitong maihanda ang AFP members na malapit nang magretiro sa serbisyo  sa kanilang buhay bilang sibilyan.

Sa ilalim ng programa, tuturuan sila ng tamang paraan ng organic farming, goat raising at mga kaalaman sa climate change mitigation and adoptation.

Ikinatuwa naman ng mga sundalo ang programa. Anila, kung maganda ang kalalabasan nito ay maaring ito na ang kanilang pagtutuunan ng pansin paglabas nila ng kampo.

Limang pung sundalo ang initial na sasabak sa programa kung saan imomonitor sila sa ilalim ng programa sa loob ng 2 taon.

 

( Bryan Lacanlale / UNTV Correspondent )

 

Tags: , ,

Vintage bomb, natagpuan sa ginagawang subdivision sa Antipolo City

by Radyo La Verdad | December 4, 2017 (Monday) | 9226

Pansamantalang naantala ang paghuhukay ng mga tauhan ng isang construction firm sa ginagawang subdivision sa barangay San Roque, Antipolo City noong Biyernes, ito’y matapos may madiskubreng vintage bomb sa isang bahagi ng lupain.

Kwento ng backhoe operator na si Mang Rufino, dakong alas otso ng umaga ng may matamaan siyang isang matigas na bagay habang naghuhukay.

Ayon kay Cainta Police Chief Superintendent Amisolo Rosero, isang arial bomb na may timbang na isang tonelada ang nahukay sa area. Aktibo pa ito at may blast radius na tatlong daang metro na may kakayahang makapagpaguho ng isang gusali.

Nagpaalala naman ang otoridad na ipagbigay alam kaagad sa kanila ang mga ganitong insidente.

Pansamantalang inilagak ang bomba sa Provincial Public Safety Company sa San Mateo, Rizal at nakatakdang dalhin sa Capas, Tarlac upang idispose.

 

( Jennica Cruz / UNTV Correspondent )

Tags: , ,

More News