Isang pilipino ang nasawi sa pambobomba sa Zawiya, Libya.
Sa kumpirmasyon ng Department of Foreign Affairs, naganap ang pambobomba noong March 29 pero wala pang detalye sa pangalan at trabaho ng pilipino mula sa embahada ng Pilipinas sa Tripoli.
Muli namang nanawagan ang DFA sa higit 4,000 OFW sa Libya na samantalahin ang repatriation program ng pamahalaan upang huwag maipit sa kaguluhan sa Libya.
Umiiral ngayon ang mandatory repatriation doon matapos itaas ng DFA ang crisis alert level 4.
