Dumagsa ang daan-daang mga taga suporta ng pinaslang na Trece Martires City Vice Mayor Alexander Lubigan sa libing nito kahapon.

Nakasuot ang mga ito ng puting t-shirt, may hawak na banner at tarpaulin na may nakalagay na “Justice for Vice Mayor Alexander Lubigan” bilang panawagan ng katarungan sa pagkamatay nito.

Ilang mga prominenteng personalidad ang dumating din sa libing ng bise alkalde tulad ni dating Cavite Governor Juanito Victor Remulla at Vice Governor Ramon Jolo Revilla III.

Bago ang libing ay nagdaos muna ng huling public viewing at necrological service para sa bise alkalde sa Brgy. San Agustin.

Dito muling hiniling ng pamilya Lubigan ang hustisya sa pagkakapaslang sa bise alkalde.

Ayon kay Cavite Vice Governor Ramon Jolo Revilla III, gagawin nila ang lahat upang makamit ang hustisya sa pagkamatay ni Lubigan.

( Benedict Samson / UNTV Correspondent )

Tags: hustisya, Trece Martires City, Vice Mayor Alexander Lubigan