Hangga’t maaari ay lumayo sa mga ilog at channels na pwedeng daluyan ng lahar kapag malakas ang ulan, ito ang babala ng Philippine Institute of Volcanology and Seismology (PHIVOLCS) sa mga residente sa Albay.
Dahil sa patuloy na malakas na pagbuhos ng ulan, nakapagtala ang PHIVOLCS ng lahar, sediment at mud flow sa paligid ng bulkan. Mula dito ay aagos lang muna ang lahar sa mga ilog subalit ang delikado ay kung aapaw ang ilog na kasama ang lahar.
Ayon sa PHIVOLCS, makakatulong pa nga ang ulan upang mahugasan ang lahar deposit sa paanan ng bulkan. Bukod dito, pinaghahandaan rin ng probinsya ang lahar flow pagpasok ng tag-ulan. Ito ay dahil sa napakaraming lava na nailabas ng Mayon simula noong January 13 na umabot na sa 81 million cubic meters.
Isang evacuation plan ang inihahanda ng pamahalaan para sa bayan ng Camalig at Guinabatan, ito ang mga bayan na natukoy na posibleng tamaan ng lahar flow.
Ngayon, hindi na masyadong umuulan sa Albay pero nakahanda pa rin ang mga lokal na pamahalaan lalo kapag dumating na ang tag-ulan.
( Mon Jocson / UNTV Correspondent )
Tags: lahar flow, Mayon, PHIVOLCS
METRO MANILA – Itinaas sa alert level 2 o increasing unrest ng Philippine Institute of Volcanology and Seismology (PhiVolcs) ang Kanlaon volcano matapos ang pagsabog nito kagabi, June 3.
Naglabas ng nasa 5,000 metrong taas ng plume o usok ang bulkan.
Ayon sa ulat ng PhiVolcs, tumagal ng anim na minuto ang pagsabog nito.
Pinapayuhan naman ang publiko na iwasang pumunta sa 4 kilometer-radius permanent danger zone upang makaiwas sa posibleng pagsabog, rockfall at landslide.
Tags: Mt. Kanlaon, PHIVOLCS
METRO MANILA – Pinawi ng Philippine Institute of Volcanology and Seismology (PhiVolcs) ang pangambang gagalaw ang fault line ng Pilipinas kasunod ng malakas na lindol sa Taiwan.
Ayon sa PhiVolcs, hindi konektado sa mga faultline ng Pilipinas ang nangyaring lindol, at kung magkakaroon man ng lindol sa bansa ay hindi dahil sa 7.5 Taiwan quake.
Ayon kay Phivolcs Director Teresito Bacolcol, hindi rin mararamdaman ang pagyanig ng 7.4 magnitude na lindol ng Taiwan sa Northern Luzon.
Ang tanging maaaring maging banta lamang nito ay ang tsunami.
Tags: earthquake, PHIVOLCS, Taiwan
METRO MANILA – Posibleng magdeklara ng state of calamity ang probinsya ng Surigao Del Sur, kasunod ng 7.4 magnitude na lindol na tumama sa lalawigan noong Sabado (December 2) ng gabi.
Sa ngayon ay patuloy na nararamdaman ang malalakas na aftershocks sa probinsya.
Batay sa report ng Philippine Institute of Volcanology and Seismology (PHIVOLCS), halos 2,000 aftershocks pa ang naitala sa lugar hanggang kahapon (December 4).
Mayroong itong lakas na umaabot sa 1.4 hanggang 6.6 magnitude, kung saan 19 sa mga ito ang naramdaman.
Sa datos ng Provincial Disaster Risk Reduction and Management Office (PDRRMO), aabot na sa mahigit P58-M ang halaga ng pinsalang idinulot ng lindol.
Base sa naunang report, 2 ang naitalang nasawi, habang mahigit sa 57,000 mga pamilya ang naapektuhan ng kalamidad.
Kahapon (December 4), nagsimula na ang ang pamamahagi ng food packs ng Department of Social Welfare and Development (DSWD).
Tags: DSWD, PHIVOLCS, Surigao del Sur
