Naka-blue alert status na ang Philippine Army partikular na ang mga sundalo na kabilang sa APEC Summit Security Force.
Ibig sabihin, kalahati ng buong pwersa ng mga sundalo ay kinakailangang nasa loob ng military camp at handa sakaling mangailangan ng tulong ang Philippine National Police.
“Yung role lang ng AFP is make available troops na kailangan ng PSG, at kailangan ng pulis to support them, yun ang prinovide naming.” pahayag ni AFP-PAO Chief Col. Noel Detoyato
Nagbigay din ng kasiguruhan ang AFP na sapat ang bilang ng mga sundalong susuporta sa pinakamalaki at pinakaaabangang event sa bansa.
