Dalawang pisong dagdag pasahe sa jeep ang hinihiling ng ilang transport group sa ihahain nilang petisyon ngayong araw sa LTFRB. Mula sa dating otso pesos, plano ng mga transport group na itaas sa sampung piso ang minumum na pasahe sa mga jeep. Maraming mga pasahero naman ang tutol sa planong dagdag singil sa pasahe.

Samantala, muli namang magdaraos ng malawakang tigil-pasada ang  grupong Piston at Stop and Go coalition kontra pa rin sa jeepney modernization program ng pamahalaan.

Isasagawa ng PISTON ang kanilang dalawang araw na tigil-pasada sa September 20 hanggang 21. Habang ang Stop and Go coaltion naman ay gagawin sa September 25 at 26.

(Joan Nano / UNTV Correspondent)

Tags: 10-piso, pasahe, transport group