file photo:
Tatalakayan ng Commission on Elections en Banc ngayong araw ang petisyong inihain ni dating Akbayan Partylist Representative Walden Bello noong nakaraang linggo na kumukwestyon sa nalalapit na laban ni Congressman Manny Paquaio laban kay Timothy Bradley sa panahon ng campaign period.
Iginiit ni Bello na malalamangan ni Pacquiao ang ibang mga kandidato pagdating sa media exposure dahil sa kaniyang boxing bout na isa aniyang paglabag sa Fair Elections Act.
Una nang sinabi ng Comelec na gagawa sila ng aksyon kaugnay sa magaganap na laban ni Pacquiao kung may maghahain ng reklamo.
(UNTV NEWS)
