Maraming mga Pilipino ang nagpa-practice ng healthy lifestyle at nahihilig sa mga organic food. Ito ang mga pagkaing nagmula sa mga pananim na hindi ginamitan ng mga synthetic materials tulad ng pesticides at antibiotics.
Kaya naman ang mga eksperto, patuloy ang pagtuklas ng mga makabagong paraan upang magawa ito.
Tulad na lamang ng paraan ng pagpapahinog ng mga mangga upang maiwasan ang mabilis na pagkabulok ng mga ito pagkatapos anihin na hindi gumagamit ng kalburo. Ito ay tinatawag na rapid hot treatment na itinuro sa mga mango grower sa Bataan.
Sa prosesong ito, ilulubog ang mga mangga ng sampung minuto sa tubig na may temperaturang 52 hanggang 55 degree celcius. Pagkatapos ay palalamigin sa ilalim ng tubig galing sa gripo sa loob din ng sampung minuto, patutuyuin at saka ipa-package.
Ayon sa mga eksperto mula sa University of the Philippines Los Baños, sa pamamagitan ng naturang technique ay maaring maiwasan ang mga sakit na madalas makuha ng mga mangga pagkatapos anihin lalo na kapag panahon ng tag-ulan.
Ginagamit na umano ang ganitong proseso ng ilang exporter dito sa Pilipinas na nagdadala ng kanilang mga produkto sa mga bansang Tsina, Hongkong, Japan at Korea.
Ayon sa ilang mango grower, malaki ang maitutulong ng prosesong ito upang magbalik sa negosyo ang mga kasamahan niyang tumigil dahil sa pagkalugi.
( Alfred Ocampo / UNTV Correspondent )
METRO MANILA – Nawalan na ng tiwala sa China ang maraming Pilipino bunsod ng nangyayaring tensyon sa West Philipine Sea (WPS).
Batay sa survey na isinagawa ng Octa Research Group, nasa mahigit 1,000 Pilipino edad 18 taong gulang pataas o 91% ang wala na umanong tiwala sa China.
Ayon pa sa research group, patuloy ang pagbaba ng trust rating ng mga Pilipino sa China simula pa noong Pebrero 2022.
Kasunod ito ng inilabas na resulta ng Octa Research Survey sa unang quarter ng taon.
Para sa ilang political analyst, inaasahan na ito bunsod ng mga isyu sa pagitan ng China at Pilipinas partikular na ang mga panggigipit ng Chinese forces sa mga Pilipino sa West Philippine Sea.
Tags: Octa Research Survey, Pilipino, WPS
METRO MANILA – Maraming Pilipino ang dissatisfied o hindi nasiyahan sa mga hakbang ng pamahalaan upang ibsan ang kahirapan sa bansa at tugunan ang mataas na presyo ng mga bilihin at serbisyo.
Ayon ito sa tugon ng masa survey ng Octa Research Group kung saan 100 at 200 kababayan ang tinanong.
75% sa ating mga kababayan, ang dissatisfied sa pagkontrol sa presyo ng mga bilihin. 46% naman ang dismayado sa pagtugon sa kahirapan sa bansa.
Mataas din ang dissatisfaction rating sa usapin ng pagkakaroon ng abot-kayang halaga ng pagkain, paglikha ng mga trabaho, at paglaban sa katiwalian.
Samantala, mayorya naman ng mga kababayan, satisfied o nasisiyahan sa performance ng pamahalaan sa ilang programa. Katumbas ito ng 8 sa bawat 10 Pilipino.
Partikular na sa pagtatayo ng pampublikong imprastraktura, at pagtugon sa mga kalamidad.
Gayundin sa pagsusulong sa kapakanan ng Overseas Filipino Workers, pagkakaloob ng Healthcare at maging ang kalidad ng edukasyon.
Tags: Octa Research Survey, Pilipino
METRO MANILA – Bumaba sa 7.9 Million ang bilang ng mga Pilipinong walang trabaho ayon sa pinaka huling survey ng Social Weather Stations (SWS).
Lumabas sa resulta ng survey na isinagawa noong September 28 hanggang October 1, na bumaba sa 16.9% ang adult joblessness, 5.8% ito na mas mababa kaysa sa 22.8% noong June 2023 o humigit-kumulang 10.3 Million adults.
Ang mga walang trabaho ay binubuo ng mga boluntaryong umalis sa trabaho, naghahanap ng trabaho sa unang pagkakataon, nawalan ng trabaho dahil sa economic circumstances o natanggal sa trabaho.
Tags: Pilipino, SWS, Unemployed
