Nasa deliberasyon na ngayon ng House Committee on Transportation ang House Bill 6009 o ang Transportation Networks Services Act na ipinakula nang magkapatid na kongresista na sina Jericho at Karlo Nograles.
Ayon sa mga mambabatas, napapanahon na para matukoy ang klasipikasyon ng mga Transport Network Vehicle Services o TNVS gaya ng Grab at Uber. Sa tingin ni Nograles, hindi dapat ipagbawal ang mga TNVS dahil sa Metro Manila pa lang ay mayroon ng dalawang milyong tao ang gumagamit nito.
Dapat nga aniya ay napag-isipan na ito ng Kongreso sa nakalipas na dalawang taon. Dapat din aniya na pareho ang kompesasyong nakukuha ng mga taxi kumpara sa ride-sharing services gaya ng lamang surge o pagtaas ng pamasahe kapag ma-traffic o gabi. Sa pamamagitan aniya nito ay hindi na sisingil o mag papadagdag ang taxi driver.
Pag-uusapan din sa pagdinig ng panukalang batas kung dapat bang limitahan ang bilang ng mga TNVS. Sa pagdinig ng House Comiittee on Transportation natuklasan na mahigit 125 thousand unit mayroon ang Uber, Grab at UHop.
Mas mataas ito sa demand na 12 to 15 thousand demand kada oras ayon sa LTFRB. Nais ng Kongresista na maging batas na ang panukala bago matapos ang taon.
(Rey Pelayo / UNTV Correspondent)
Tags: Kongreso, panukalang batas, UBER at GRAB
METRO MANILA – Niratipikahan na kagabi (December 11) ng 2 kapulungan ng Kongreso ang P5.768-T na national budget para sa susunod na taon.
Sa Senado, tanging si Senate Minority Leader Aquilino “Koko” Pimentel Junior lamang ang bumoto laban sa ratipikasyon ng 2024 General Appropriations Bill.
Naarubahan na rin sa plenaryo ng Kamara ang pambansang pondo sa pamamagitan ng simple voice vote.
Pirma na lang ni Pangulong Ferdinand Marcos Junior ang kinakailangan upang ganap itong maisabatas.
Tags: 2024 Budget, Kongreso, PBBM
METRO MANILA – Inihain sa mababang kapulungan ng Kongreso ang isang panukalang batas na layong itaas sa P750 ang arawang sahod ng mga manggagawa.
Saklaw nito ang mga empleyado sa pribadong sektor sa buong bansa kasama ang mga manggagawa sa agricultural at non-agricultural enterprises.
Nakasaad sa panukala na ito ang tugon para matapalan ang malaking puwang sa pagitan ng cost of living at kasalukuyang minimum wage na nagkalahalaga ng ₱570 sa Metro Manila.
Sa isang pahayag, sinabi ni Gabriela Womens Partylist Representative Arlene Brosas na sasapat na ang P750 na daily wage para matustusan ang mga pangangailanan ng ordinaryong pamilyang Pilipino.
METRO MANILA – Ilang panukalang batas ang hiniling ni Pangulong Bongbong Marcos Jr. na mabigyang prayoridad ng kongreso sa kanyang kauna-unahang State of the Nation Address (SONA).
Kabilang na riyan ang pagpasa ng amyenda sa Republic Act 6657 o ang Comprehensive Agrarian Reform Law.
Umaasa rin ang pangulo na sa pakikipagtulungan sa kongreso, makapagtatatag ang Pilipinas ng sariling Center for Disease Control and Prevention.
Ganoon din ang pagpapatayo ng isang vaccine institute.
Nais din ni PBBM na magtatag ng specialty health centers at clinics na dadalhin sa mga probinsya.
Hiniling din ng pangulo ang pagkakaroon ng batas para sa National Government Rightsizing Program.
Ilan pa sa hiniling ng pangulo na maipasa ng pangulo ang Budget Modernization Bill, Dept of Water Resources, National Defense Act at ang Mandatory Reserve Officers Training Corps (ROTC) at pag amyenda sa ilan pang batas gaya ng Electric Power Industry Reform Act o EPIRA law of 2001.
Umani naman ito ng iba’t ibang reaksyon mula sa mambabatas.
(Harlene Delgado | UNTV News)
