Bagaman wala pang opisyal na dokumento na inilalabas, inihayag ni Pangulong Rodrigo Duterte na nilagdaan na niya ang isang executive order na magbabawal sa mga kawani at opisyal ng pamahalaan na magbyahe sa labas ng bansa liban na kung makapagsumite ng kinauukulang dokumento bago ang nakatakdang pagbiyahe.
Tinutukoy ng punong ehekutibo ang nasa ilalim ng kanyang poder sa executive branch hanggang sa mga lokal na pamahalaan.
Ginawa ng Pangulo ang pahayag nang dumalo ito sa 60th birthday celebration ni House Speaker Pantaleon Alvarez, Biyernes ng gabi sa Tagum City, Davao del Norte.
Muling tinuligsa nito ang mga opisyal ng pamahalaan na wala umanong pakundangan sa paggamit ng pondo ng pamahalaan at ikinakatwiran ang mga umano’y conferences abroad.
Una nang pinaalis sa pwesto ng pangulo ang mga opisyal na umano’y higit 12 beses nang nag-travel abroad.
( Rosalie Coz / UNTV Correspondent )
METRO MANILA – Nilagdaan na ni Pangulong Ferdinand Marcos Jr. ang Executive Order na nagdedeklara ng 1 taong moratorium sa pagbabayad ng Agrarian Reform beneficiaries sa kanilang Land Amortization at interes.
Ayon kay Pangulong Marcos Jr, ang pansamantalang hindi pagbabayad ng annual amortization ay malaking tulong sa mga magsasaka na benepisyaryo ng agrarian reform program.
Sa halip na pambayad utang, magagamit aniya ang pera upang mapaunlad ang kanilang sakahan at matutukan ang kanilang produksyon.
Ang naturang EO ay ipinangako ni PBBM sa kaniyang unang State of the Nation Address (SONA).
Sinimulan naman ni Pangulong Marcos Jr. ang kaniyang pagdiriwang ng ika-65 na kaarawan kahapon (September 13) sa pagtatanim ng “kawayang tinik” sa old landfill ng pintong bukawe sa San Mateo, Rizal.
Bahagi ito ng nationwide simultaneous tree and bamboo planting.
Ayon kay Pangulong Marcos Jr. sa kaniyang nakaraang State of the Nation Address (SONA) binigyang diin niya ang kahalagahan na mapangalagaan at mabigyan ng atensyon ang kalikasan.
Aniya malaki ang kapakinabangan ng pangangalaga sa kalikasan ay sa ikauunlad rin ng bansa.
Sa pagbisita naman kahapon (September 13) ni PBBM sa Department of Social Welfare and Development (DSWD) centers at residential care facilities sa San Juan City, nakisalamuha at namigay ng regalo ang pangulo sa mga inaalagaang mga bata sa white cross.
Sa kaniyang mensahe, nagpahayag ng kasiyahan ang pangulo dahil sa kaniyang kaarawan na nakasama niya ang mga batang nasa ampunan.
(Nel Maribojoc | UNTV News)
Tags: Agrarian Reform, Executive order
METRO MANILA – Batid ni Pangulong Rodrigo Duterte ang masamang epekto ng E-sabong operations sa mga pamilya.
Kaya naman humingi ito ng tawad sa publiko dahil sa pagpapahintulot nito sa bansa.
Ayon sa punong ehekutibo, nanghinayang siya sa kikitaing buwis ng pamahalaan.
Ginawa nito ang pahayag ng pangunahan ang inspeksyon sa National Academy of Sports sa New Clark City sa Capas, Tarlac kahapon (June 14).
Subalit ayon sa pangulo, napagtanto niya ang masamang epekto ng bisyo sa mga Pilipino.
“Kaya ‘yun ang naano ko, but I realized very late and I am very sorry that it had to happen. Hindi ko akalain na ganoon, hindi naman ako nagsusugal. I do not gamble, I do not drink anymore, only water. Pag na-dysfunctional, sige away. Maghiwalay ‘yan.” ani Pangulong Rodrigo Duterte.
Nitong nakalipas na buwan, iniutos ng presidente na agarang ipatigil ang e-sabong operations sa bansa.
Ito ay matapos magsagawa ng pag-aaral ang pamahalaan kaugnay ng negatibong social epekto ng sugal. Kabilang na ang pagkakalulong ng ilang naglalaro na nagreresulta pa sa pagbebenta ng kanilang mga anak.
(Rosalie Coz | UNTV News)
Tags: E-SABONG, Pangulong Duterte
METRO MANILA – Opisyal nang bababa sa pwesto si Pangulong Rodrigo Duterte sa June 30, 2022 pagkatapos ng eksaktong 6 na taong panunungkulan.
Bago ito, panalangin ng punong ehekutibo ang mas mainam na administrasyong susunod sa kaniya.
Ginawa nito ang pahayag nang dumalaw sa mga biktima ng bagyong Agaton sa Capiz noong araw ng Sabado (April 16).
“When I think of my country, I hope that the next year, I would wish really. I hope I hope and I pray that the next administration will be much better than mine on all aspects.” ani Pres. Rodrigo Duterte.
Bukod dito, hiling din niyang magtagumpay ang susunod na administrasyon sa pakikipag-payapaan sa mga rebeldeng komunista.
Muli ring inulit ng pangulo ang pagnanasa nitong maipagpatuloy sana ng susunod na presidente ang laban kontra iligal na droga sa bansa sa gitna ng pangambang magkaroon ng resurgence ng drug problem sa bansa.
Samantala, tiniyak naman ng presidente na maipagpapatuloy ang pagpapatayo ng mga bahay ng mga biktima ng bagyong Agaton kahit wala na siya sa pwesto.
Dumalaw rin ang presidente sa Baybay City, Leyte noong araw ng Biyernes (April 15).
Isa ang probinsya ng Leyte sa pinaka-apektado ng bagyo kung saan marami ang nasawi dahil sa pagguho ng lupa at mga pagbaha.
“There’s only two months left of my presidency, so I won’t be able to do much to help you. But what I can assure you is that I will help make sure that preparations will be in place to help give you new houses. But that’s a program of the government and I’m sure that the next administration will follow through with the program because there’s nothing else that they can do.” ani Pres. Rodrigo Duterte.
Nagsagawa ang punong ehekutibo ng aerial inspection sa Baybay City-Leyte gayundin sa Capiz upang i-assess ang tindi ng pinsala ng kalamidad.
Nakipagpulong din ang presidente sa mga opisyal ng mga ahensya ng pamahalaan at local government units sa Leyte.
(Rosalie Coz | UNTV News)
Tags: Pangulong Duterte
