Dumating na sa Singapore kaninang madaling araw si Pangulong Rodrigo Duterte mula sa kanyang dalawang araw na state visit sa Cambodia.

Ang pagbisita ng pangulo ay bahagi ng two-nation trip ngayong linggo upang palakasin ang pakikipag-ugnayan sa mga kalapit-bansa ng Pilipinas.

Mamayang hapon, isang welcome ceremony ang inihanda para kay Pangulong Duterte ng Singaporean government.

Nakatakda rin ang pakikipagpulong ang punong ehekutibo kina President Tony Tan Keng Yam at Prime Minister Lee Hsien Loong.

Isang state banquet din ang inihanda ni President Tan para kay Pangulong Duterte.

Tags: nasa Singapore na para sa tatlong araw na state visit, Pangulong Duterte