Dumating na bansa kaninang madaling araw si Pangulong Rodrigo Duterte mula sa dalawang araw na state visit sa Malaysia at sandaling pagbibigay respeto sa royal family sa Thailand ng pumanaw na si King Bhumibol Adulyadej.

Sa kanyang talumpati, sinabi ng pangulo ang mga resulta ng kanyang pagbisita sa Malaysia kabilang na ang pagsusulong ng mas matibay na relasyon sa pagitan ng dalawang bansa.

Samantala kaugnay naman sa isyu na posibleng sinadya umano ang pagpatay kay dating Mayor Rolando Espinosa, sinabi ng pangulo na mas paniniwalaan niya ang bersyon ng Philippine National Police.

Matatandaang una nang sinabi ng mga pulis na nagsilbi ng search warrant na nanlaban ang alkalde kaya nabaril ito ng mga pulis na naging dahilan ng kanyang pagkamatay.

Tags: Malaysia, Pangulong Duterte, Thailand