Kinumpirma ni Pangulong Rodrigo Duterte kahapon na nagtanggal na naman siya ng isa pang government official sa pwesto.
Sa pagharap ng pangulo sa mga magsasaka sa harvest festival sa Talavera, Nueva Ecija, sinabi nito na inalis niya sa pwesto ang isang undersecretary dahil sa pagnanais na baligtarin ang desisyon ni National Food Authority Administrator Jason Aquino hinggil sa pagsususpinde ng rice importation.
Ayon pa sa pangulo, mas pinapaboran umano nito ang mga pribadong rice importer.
Kinumpirma naman ni Agriculture Secretary Emmanuel Piñol na si Undersecretary Halmen Valdez ng Office of the Cabinet Secretary ang opisyal na tinanggal sa pwesto.
