Mula sa 5.7% noong buwan ng hulyo, umakyat ang inflation rate ng Pilipinas sa 6.4% noong Agosto, ito ang pinakamataas na naitala ng Philippine Statistics Authority (PSA) sa loob ng siyam na taon.
Malaki ang epekto sa inflation ng mataas na presyo ng bigas, isda, karne, gulay at langis sa pandaigdigang merkado.
Si Pangulong Rodrigo Duterte, isinisi ang mabilis ang antas ng pagtaas ng presyo ng mga bilihin sa Pilipinas kay US President Donald Trump.
Dalawang beses itong sinabi ng Pangulo, una ay sa Filipino community meeting nito sa Jordan at pangalawa ay nang dumating ito sa Pilipinas noong Sabado mula sa official visits sa Israel at Jordan.
Ayon sa punong ehekutibo, naapektuhan ang inflation sa bansa dahil sa mga taripa o buwis na ipinapataw ni Trump sa mga trading partner nito.
Matatandaang tinatasan ni Trump ang taripang ipinapatong sa mga produktong inaangkat ng Amerika mula sa ibang bansa tulad ng European Union, Canada, Mexico at lalo na ang mga produktong nanggagaling sa China, dahilan ito upang taasan din ng ibang bansa ang kanilang taripa laban sa mga produkto ng Amerika.
Gayunman, ayon kay Pangulong Duterte, lahat naman ng naging Presidente ng Pilipinas ay naranasan ang suliranin sa inflation.
Nabanggit naman ng punong ehekutibo na ginagamit ng mga oposisyon ang usapin sa inflation laban sa kaniyang administrasyon.
Ito ay matapos na mapaulat na may binubuong oust Duterte movement para sa Oktubre 2018.
( Rosalie Coz / UNTV Correspondent )
METRO MANILA – Posibleng umabot sa 2.8% hanggang 3.6% ang maitatalang inflation rate sa bansa para sa buwan ng Pebrero ngayong 2024.
Base ito sa forecast ng Bangko ng Sentral ng Pilipinas (BSP).
Ilan sa mga bagay na posibleng makapagtaas sa galaw ng inflation ay ang patuloy na pagtaas ng presyo ng mga pagkain gaya ng bigas, karne, at isda. Gayundin ang presyo ng langis at kuryente.
Habang maaari rin itong hilain pababa dahil naman sa mababang presyo ng gulay, prutas at asukal.
Noong Enero umabot sa 2.8% ang naitalang inflation rate sa bansa o ang pagtaas ng presyo ng bilihin at iba pang pangunahing serbisyo na binabayaran ng mga konsyumer.
METRO MANILA – Bumagal sa 4.1% ang inflation rate o ang bilis ng pagtaas ng presyo ng mga bilihin at serbisyo sa bansa noong Nobyembre.
Ayon sa Philippine Statistics Authority (PSA), kahit na mataas ang presyo ng bigas, iniuugnay ang pagbagal ng inflation rate sa pagbaba ng presyo ng food at non alcoholic beverages, tulad na lamang ng gulay.
Dagdag pa ng PSA, ang pagbaba rin ng halaga ng produktong petrolyo ay nag-ambag rin kaya bumagal ang inflation.
Pagtitiyak ni National Economic and Development Authority (NEDA) Director General at Socioeconomic Planning Secretary Arsenio Balisacan, patuloy na imo-monitor ng pamahalaan ang bilis ng antas ng pagtaas ng presyo ng mga bilihin gayundin ang halaga ng mga serbisyo sa gitna ng banta ng geopolitical tensions at pabago-bagong klima o climate change na nagdudulot ng kawalan ng katiyakan sa maaaring maging epekto nito sa galaw ng presyo ng mga bilihin.
Naniniwala ang NEDA na epektibong mapapangasiwaan ng pamahalaan ang inflation at maiiwasan ang pagtaas ng presyo ng bilihin sa pamamagitan na rin ng tama at napapanahong pagpapatupad ng trade policy.
Tags: inflation, NEDA, PH Economy, PSA
METRO MANILA – Bumaba ang naitalang inflation rate ng bansa noong buwan ng Oktubre ngayong taon batay sa datos ng Philippine Statistics Authority (PSA).
Mula sa 6.1% noong Setyembre, bumagal sa 4.9% ang naitalang inflation rate noong nakaraang buwan, na mas mababa sa 6.1% na naitala noong Setyembre.
Kapansin-pansin din na mas mababa ito sa 7.7% sa kaparehong buwan noong 2022.
Ayon sa ahensya, pangunahing nakapagpababa sa inflation ay ang pagbagal ng year-on-year increase sa food at non-alcoholic beverages.
Naniniwala naman ang PSA na posibleng magpatuloy pa ang pagbagal ng inflation sa mga darating na buwan kung hindi magkakaroon ng shock ng supply sa bansa.
Tags: inflation, October 2023, PSA
