Pinabulaanan ng Malakanyang ang panibagong mga espekulasyon na may problema sa kalusugan ang Pangulo kaya hindi ito dumalo sa isang event sa Malacañang kahapon.

Una nang inanunsyo ng palasyo na kabilang sa President’s schedule ang pagpunta sa event ng Philippine Amusement and Gaming Corporation (PAGCOR) bandang alas kwatro ng hapon kahapon.

Ngunit sa halip na si Pangulong Duterte ay si Executive Secretary Medialdea ang dumalo rito.

Nang tanungin kung bakit hindi nakapunta si Pangulong Duterte sa event, ‘private time’ ang tugon ni Presidential Spokesperson Harry Roque at walang kinalaman sa kalusugan ng punong ehekutibo.

Ayon naman kay Special Assistant to the President Bong Go, makikita ulit ng publiko si Pangulong Duterte ngayong araw dahil marami itong events at nakatakdang pagpupulong sa palasyo.

Tags: Malacañang, PAGCOR, Pangulong Duterte