Kinausap ng Pangulong Aquino ang mga lider ng Indegenous People o Lumad upang pakinggan mga hinaing ng mga ito.
Ayon kay Presidential Spokesperson Edwin Lacierda, pinakinggan ng pangulo ang kabuuan ng kanilang mga daing.
Pagkatapos ng pagpupulong, bagaman hindi dinetalye ni Lacierda ang kabuaan ng napagusapan, nagpalabas aniya agad ang Pangulo ng direktiba na bumuo ng konkreto, agaran at pangmatagalang action plan para matugunan ang problema ng mga Lumad.
“…the President, along with key members of the Cabinet, met with leaders from the Indigenous Peoples sector. He heard the totality of their concerns and issued directives to come up with concrete action plans to address these, both in the immediate and long-term.” Pahayag ng Pangulo.
Nauna nang ipinahayag ng mga Lumad na puwersahan silang pinapaalis sa kanilang lupain dahil sa militarisasyon na nagreresulta sa pagpatay sa ilang mga katutubo na bagay namang pinabulaanan ng AFP at itinurong ang New People’s Army o NPA ang nasa likod ng mga pagpatay.
Kasama sa pagpupulong sina Education Secretary Armin Luistro, Budget Secretary Florencio “Butch” Abad, Health Secretary Janette Garin, Cabinet Secretary Rene Almendras, at Presidential Management Staff chief Julia Abad.(Jerico Albano/UNTV Radio Correspondent)
METRO MANILA – Nagsagawa ng rescue operation ang Department of Social Welfare and Development (DSWD) sa nasa 200 na mga Badjao o Indigenous People (IP) sa Metro Manila nitong Biyernes, November 18.
Napag-alaman sa kanilang immbestigasyon na ang mga nasagip na IP ay pawang nanggaling sa Mindanao region.
Dahil dito, patuloy na inaalam ng DSWD ang posibleng koneksyon ng mga sindikato sa pagkalat ng mga IP sa National Capital Region (NCR) upang mamalimos at pagkakitaan.
Kinumpirma ni DSWD Undersecretary Edu Punay ang plano ng kanilang ahensya upang imbestigahan ang patuloy na pagdami ng mga Badjao sa Metro Manila katuwang ang Department of the Interior and Local Government (DILG) at Philippine National Police (PNP).
Tiniyak naman ni Usec. Punay na bibigyan ng ahensya ang mga nasagip na IP ng tulong pinansyal na pangpuhunan upang makapagsimula sila ng maliit na negosyo at hindi na bumalik sa pamamalimos sa kalsada.
Target muna ng ahensya na mabigyan ng tulong pinansyal ang mga nasabing IP na kanilang na-rescue at dadaan din sila sa profiling bago bigyan ng cash assistance.
Tags: cash assistance, DSWD, Indigenous People, NCR
Tinututulan ng National Commision on Indigenous People Region 11 na maupo sa pwesto ang nanalong indigenous people mandatory representante ng Davao City.
Ayon sa NCIP, maliban sa kakulangan ng genealogical qualification, kulang din si Bai Cherry Ann Codilla ng 5 taon na serbisyo bilang aktibong myembro ng Tribu Bagobo-Klata.
Nanindigan naman si Codilla na pumasa siya sa local guidelines na ipinasa ng tribu sa NCIP na may 25% siya ng Tribu Bagobo-Klata at naging aktibu siya sa serbisyo ng mahigit 5 taon.
Samantala, pinabulaanan ng Armed Forces of the Philippines ang umano’y pagpapasara nila sa limangpu’t anim na lumad schools sa Talaingod, Davao del Norte noong Lunes.
Ayon sa Bureau of Public Affairs Office ng 10th Infantry Division ng Philippine Army, sa katunayan ay katuwang pa sila ng mga paaralan sa pagasagawa ng Brigada Eskwela.
( Dianne Ventura / UNTV Correspondent )
Tags: Davao City, Indigenous People, NCIP
Bulto bultong mga dokumento ang bitbit ng grupong citizens crime sa Office of the Ombudsman. Nakapaloob dito ang mga ebidensya ng grupo laban kay dating Pangulong Benigno Aquino III.
Sinampahan ng reklamong plunder, malversation at graft and corruption ng citizens crime si Aquino dahil sa anila’y maanomalyang pagbili at paggamit ng Dengvaxia vaccine. Ito na ang ikatlong reklamong isinampa laban kay Aquino kaugnay ng Dengvaxia controversy.
Kasamang inireklamo ng grupo sina dating Executive Secretary Paquito Ochoa, dating Budget Secretary Butch Abad, dating Health Secretary Janette Garin at 15 iba pang mga kasalukuyan at dating opisyal ng Department of Health.
Ayon kay Diego Magpantay, ang presidente ng grupo, malinaw sa isinagawang imbestigasyon ng Senado na hindi dumaan sa tamang proseso ang pagbili ng Dengvaxia at nasayang lang ang pera ng pamalahaan dahil dito.
Anila, sa 3.5 bilyong piso na budget para sa proyekto, 500 milyong piso dito ang unaccounted.
Ayon naman kay Atty. Abigail Valte, legal counsel at tagapagsalita ni Aquino, ang panibagong reklamong ito ay hindi talaga para mapanagot ang sinoman kundi nais lamang umano ng mga complainant na magkaroon ng pwesto sa gobyerno.
Pero nilinaw ni Valte na sa handa ang dating pangulo na harapin ang lahat ng mga reklamong laban sa kanya.
( Grace Casin / UNTV Correspondent )
