File photo

Naglabas na nang derektiba si Pangulong Benigno Aquino the third sa lahat ng ahensiya ng pamahalaan na tiyaking ligtas ang pagbibiyahe ng mga uuwi sa probinsiya ngayong weekend.

Ayon kay Presidential Communication Operations Office Secretary Sonny Coloma, nais ng Pangulo na matiyak na ligtas at kumbinyente ang paglalakbay ng mga tao simula sa biyernes hanggang linggo.

Sinabi ng Pangulo na kailangang maipatupad ng mabuti ang mga security measure sa mga bus terminal, paliparan at airport.

Idinagdag pa ni Coloma na tulad ng mga nakaraang taon ay maaring mag-iikot ang Pangulo sa mga bus terminal, pantalan at airport upang personal na makita ang sitwasyon ng mga kababayan nating uuwi sa kani-kanilang probinsiya. ( Nel Maribojoc / UNTV News )

Tags: Presidential Communication Operations Office Secretary Sonny Coloma