Panauhing pandangal si Pangulong Benigno Aquino III sa Freedom Speech sa Plaza Moriones ,Fort Santiago Intramuros, Manila alas sais ng gabi mamaya.
Tinatalakay sa taunang Freedom Speech na inorganisa ng Friedrich Naumann Foundation ang kalagayan ng kalayaan sa bansa.
Ang naturang grupo ay isang German political foundation na tagapagtaguyod ng malayang demokrasya.
Ang higlight ng Freedom Speech ay ang ginagawang hakbang ng gobyerno para sa kalayaan, kagutuman, at ang pagtugon sa pangangailangan ng mga mamamayan bukod sa pagkain.
Makakasama ng Pangulo sina DOTC Secretary Joseph Emilio Abaya, Dir.Jules Maaten ng Friedrich Naumann Foundation at Intramuros Administrator Marco Antonio Sardillo III.
Inaasahang magbibigay ng mensahe ang Pangulo sa mga dadalo sa naturang pagtitipon.
(Jerico Albano / UNTV Radio Reporter)
