METRO MANILA – Inalis na ni Pangulong Rodrigo Duterte si Vice President Leni Robredo bilang Drug Czar o Co-Chair ng Inter-Agency Committee on Anti-Illegal Drugs (ICAD) araw matapos italaga bilang tagapanguna ng anti-drug war ng pamahalaan. Ito ang kinumpirma ni Presidential Spokesperson And Chief Presidential Legal Counsel Salvador Panelo.
Ayon sa opisyal, tugon na rin ito ng Pangulo sa panawagan ng opposition leader Senator Francis Pangilinan at kay mismong VP Robredo na alisin na lang ito sa pwesto bilang Drug Czar matapos aminin ng Pangulong wala itong tiwala sa kaniya. Maituturing aniya itong pagtuya at pagmamalaki sa appointing power.
“She never presented any program at all as you can see, she never presented any program and remember it is VP Leni herself who asked the president to terminate her” ani Presidential Spokesperson & Chief Presidential Legal Counsel Sec. Salvador Panelo.
Dapat din aniyang mismong ang Bise Presidente na ang nagkusang lumapit sa Presidente sa umpisa para klaruhin ang tungkulin nito bilang Drug Czar.
Subalit panay aniya sa media ito nagsalita at nakipag-ugnayan pa sa mga opisyal ng United Nations at US Embassy officials na wala naman aniyang ideya sa reyalidad ng suliranin ng iligal na droga. Sinayang din aniya nito ang pagkakataon at sa halip ay tinuligsa ang stratehiya ng administrasyon.
“First day of appointment pa lang dapat umano ka na kay Presidente eh, knock at the door of malacanang, kung yung ordinaryong tao nakakapasok sa Malacanang, yung pang Bise Presidente pero sabi niya, I won’t go there unless invited, sabi ni Presidente, ha? Bakit ka magiintay sa appointing power eh ini appoint na nga kita, eh di do your work” ani Presidential Spokesperson & Chief Presidential Legal Counsel Sec. Salvador Panelo..
Samantala, di naman ikinagulat ni Senator Panfilo Lacson ang pinakahuling pangyayari subalit, ang tanong niya ngayon, sinu ang tumatawa: ang Pangulo ba o ang Pangalawang Pangulo?
(Rosalie Coz | UNTV News)
Tags: Anti-drug war, President Rodrigo Duterte, VP Leni Robredo
METRO MANILA –Aprubado ng 75% ng 1,500 rehistradong botante ang pagganap sa tungkulin ni Pangulong Rodrigo Duterte sa loob ng nakalipas na 6 na taon.
Batay ito sa isinagawang survey ng Publicus Asia Incorporated mula June 16-22, 2022.
10% lamang ang hindi sang-ayon, 69% naman ang nananatili ang pagtitiwala sa presidente habang 11% lamang ang hindi kumpyansa sa outgoing chief executive.
Ayon sa Executive Director ng Publicus na si Atty. Aureli Sinsuat, ipinakikita sa mga numerong aalis si Pangulong Duterte bilang pinaka-popular na presidente sa Post Edsa 1 era.
Dagdag pa nito, walang ibang presidenteng naglingkod sa ilalim ng 1987 constitution ang tinapos ang termino na may majority approval at trust ratings o supermajority ng public support. Ganito rin ang posisyon ng palasyo.
Kaya naman pagtanaw ng utang na loob sa sambayanang Pilipino ang tugon nito sa mataas na approval at trust rating.
Kaalinsabay ang panawagang ipagpatuloy ang pagkakaisa tungo sa pagkakaroon ng mapayapa, maunlad at maipagmamalaking bansa.
Sa Huwebes (June 30), inaasahang tuluyan nitong lilisanin ang Malacañang bago ang nakatakdang panunumpa sa pwesto ng hahalili sa kaniya sa pwesto na si President-elect Bongbong Marcos Junior.
(Rosalie Coz | UNTV News)
METRO MANILA – Binalaan ni Pangulong Rodrigo Duterte ang mga drug smuggler na mananatili siyang kaaway ng mga ito kahit na matapos na ang kanyang termino sa June 30.
Ito ay dahil sa sinabi sa kanya ni Department of the Interior and Local Government (DILG) Secretary Eduardo Año na hindi bababa sa P295.9-M ang drogang nakumpiska ng mga awtoridad mula May 11-May 22.
Ipinahayag ng Punong Ehekutibo sa Talk to the People ang kaniyang galit sa mga drug lord. Ayon sa kaniya, ang ginagawang ito ng mga drug lord sa ating bayan ay para na ring pagtapos sa buhay ng mga mamamayan.
Binigyang diin ng Paangulo na kaniya pa ring ipagpapatuloy ang laban kontra droga kahit na sibilyan na lamang siya.
Idinismis din ni Pangulong Duterte bilang “posturing” ang pagpuna ng mga grupo ng human rights. Aniya, hanggang doon lang sila at hindi sila makatulong sa ating bayan.
Sinabi rin ng Pangulo na dapat kaya ng mga law enforcement agency na patayin nang walang awa ang mga nagbebenta ng ipinagbabawal na gamot lalo na kung nalalagay na sa peligro ang kanilang mga buhay.
(Peter John Salvador | La Verdad Correspondent)
Tags: Anti-drug war
METRO MANILA – Naniniwala si Presidential Adviser for Political Affairs Undersecretary Jacinto “Jing” Paras na mananatiling tapat si dating senador Ferdinand “Bongbong” Marcos Jr. kay Pangulong Rodrigo Duterte.
Ito ay lalo na’t siya ang napiling samahan ng Presidential Daughter, Davao City Mayor at Vice Presidential Candidate na si Sara Duterte-Carpio.
Ayon kay Paras, batay sa kasaysayan, marami umanong trumped up charges o gawa-gawang kaso na kakaharapin ang isang presidente oras na pormal na itong bumaba sa pwesto.
Naniniwala ang opisyal, kung ang oposisyon ang mananalo sa 2022 national elections, isusulong nito ang sari-saring reklamo laban kay Pangulong Duterte lalo na’t may nakabinbing pang imbestigasyon ang International Criminal Court o (ICC) sa drug war ng Duterte administration.
Naniniwala ang opisyal na magiging tiyak ang tagumpay ni Marcos Jr. Kung i-eendorso ni Pangulong Duterte.
Lalo na’t nananatiling mataas pa rin ang satisfaction rating ng punong ehekutibo sa publiko samantalang nangunguna rin sa pre-election polls ang dating senador.
(Rosalie Coz | UNTV News)
