Pabor at suportado ng pamunuan ng PNP ang panawagan ni President- elect Rodrigo Duterte na magbitiw na sa tungkulin ang tatlong heneral na umanoy sangkot sa ilegal na droga
Ayon kay PNP PIO Chief Police Chief Superintendent Wilben Mayor, walang puwang sa PNP organization ang mga pulis na sangkot sa illegal drugs at iba pang ilegal na aktibidad.
Handa aniya silang makipagtulungan sa bagong administrasyon upang matukoy kung sino-sinu pang pulis ang sangkot sa operasyon ng ipinagbabawal na gamot at nang mapatawan ng karampatang parusa upang maalis na sa serbisyo.
Sinabi pa ni Mayor na nagsasagawa na rin sila ng internal cleansing sa kanilang hanay at sa katunayan ay mayroon na silang mga nakasuhan.
(Lea Ylagan / UNTV Correspondent)
