Anim na buwan na mula nang nakabalik sa Marawi ang mga residenteng nagsilikas nang lusubin at sakupin ang lungsod ng Maute-Isis noong ika-23 ng Mayo 2017.
Hindi naging madali ang pagsisimula muli ng kanilang buhay dahil halos lahat ng kanilang ari-arian ang nasira ng giyera.
Bagamat hindi kasing laki ang kanilang kinikita ngayon kumpara noong bago nangyari ang Marawi seige, ipinagpasalamat na rin ng mga internally displaced person na naka-uwi na sila sa kanilang mga tahanan.
Sa maliit na kita ay nakakaraos naman anila sila sa araw-araw na gastusin at pangangailangan.
Samantala, kuntento naman si Pangulong Rodrigo Duterte sa ginagawang rehabilitasyon ng mga ahensya ng pamahalaan sa Marawi City.
( Weng Fernandez / UNTV Correspondent )
Tags: bakwit, Marawi City, Maute-ISIS
Isang taon na ang lumipas mula ng ideklarang malaya ni Pangulong Rodrigo Duterte ang Marawi City matapos mapatay ang ISIS leader na si Isnilon Hapilon noong ika-17 ng Oktubre 2017.
Ngunit hanggang ngayon, hindi pa rin maalis sa ilang mga residente ang pangamba na maulit ang kanilang sinapit sa kamay ng mga terorista, bagaman ngayon ay tahimik na ang kanilang lugar.
Sa ngayon ang hiling ng ilang mga residente, makaalis na sila sa evacuation center at makabalik na sa kanilang tahanan.
Ayon sa Taskforce Bangon Marawi, sisimulan na ngayong buwan ang debri clearing sa most affected area.
Inaasahang bago matapos ang buwan ng Oktubre maisasakatuparan na ang ground breaking ceremony ng rehabilitasyon na pangungunahan ni Pangulong Duterte, matapos ang ilang beses na pagkakaantala.
Hindi naman nalilimutang magpasalamat ng lokal na pamahalaan ang pagtulong sa kanila, subalit aminado ito na naiinip na rin sila sa mabagal ng pag-usad ng rehabilitayson.
Sa ngayon, karamihan sa mga residente ng Marawi ay unti-unti ng bumabalik sa normal ang kanilang buhay.
Maging ang kani-kanilang mga negosyo partikilar sa Brgy. Basak Malutlut kung saan unang sumiklab ang giyera noong Mayo 2017.
( Weng Fernandez / UNTV Correspondent )
Isasagawa na sa ika-17 ng Oktubre ang groundbreaking para sa rehabilitasyon ng ground zero sa Marawi City.
Itinaon ito sa unang anibersaryo ng liberation ng Marawi City mula sa pagkubkob ng mga terorista Maute-ISIS.
Ayon kay Task Force Bangon Marawi Chairperson Secretary Eduardo Del Rosario, nakuha ng Finmat International Resources, Incorporated ang contract para sa first component ng rehabilitation na Debris Management sa anim na ektarya at may pondong nagkakahalaga ng 75 milyong piso.
Bukas na ang isasagawang baranggay at Sangguniang Kabataan special elections sa Marawi City.
Kaugnay nito, dalawang barangay ang itinuturing na election hotspots dahil sa mga naitalang karahasan dito noong nakaraang eleksyon. Ito ay ang Barangay Cabingan at Barangay Gadungan.
Samantala, dalawampu’t apat na barangay naman ang nasa election watchlist ng PNP na may intense political rivalry kaya mahigpit nila itong binabantayan.
Sa ngayon, nakadeploy na sa lungsod ang nasa isang libong tauhan ng PNP at AFP para sa pagpapanatili ng seguridad.
Naka-red alert status din ang PNP at AFP sa lugar kasabay ang pagpapaigting ng mga checkpoints kaugnay naman ng nangyaring pagpapasabog sa isulan Sultan Kudarat at sa GenSan kamakailan.
Target ng Marawi City Police na makamit ang peaceful election.
Tags: election hotspot, Marawi City, PNP
