Humiling ng pang-unawa ang pamahalaan sa mga maapektuhan ng pagdaraos ng APEC Summit mula sa Nobyebre desi-sais hanggang bente sa Maynila.
Ito ay sa dahilang maraming pangunahing lansangan sa metro manila partikular sa maynila ang isasara habang idinaraos ang APEC Summit na inaasahang dadaluhan ng maraming lider ng mga bansa kabilang na si U-S President Barack Obama.
Kabilang sa mga lansangan naisasara ay ang kahabaan ng Roxas Boulevard hanggang SM Mall of Asia at ilang bahagi ng edsa.
Bukod sa pagsisikip ng mga alternatibong ruta, may posibilidad rin na magkaroon ng delay of cancellation ng mga airline flights.
Ayon kay DTI Secretary Gregory Domingo, kailangan ang kooperasyon ng publiko sa pagdaraos ng APEC Summit dahil ang bansa rin ang makikinabang dito.
“ We have to make a really positive impression on this guys. Because leaving a positive impression really makes a difference in decision making at the highest level of government and the highest level of the corporate world” pahayag ni DTI Secretary Gregory Domingo.
Tags: DTI Secretary Gregory Domingo, U-S President Barack Obama
Pansamantalang isinara ang White House matapos na tumalon sa bakod ang isang lalaki.
Sinabi ng U.S. secret service na kaagad namang naaresto ang lalaki na kinilalang si Joseph Caputo at nahaharap ngayon sa mga kasong kriminal.
Ito ang ikatlong pagkakataon ngayong taon na may tumalon sa bakod ng White House.
Nasa loob ng White House si U.S. President Barack Obama habang nagdiriwang ng Thanksgiving nang mangyari ang insidente.
Nakabalot pa umano ang American flag kay Caputo nang tumalon ito sa bakod ng presidential mansion.
Nasa heightened alert sa ngayon ang Amerika dahil sa terror attack sa Paris bagama’t una nang sinabi ni Obama na wala namang espisipikong banta sa Estados Unidos.
Pormal nang nilagdaan ng ASEAN Leaders ang bubuohing ng ASEAN Community upang maabot ang ASEAN Vision 2025
Nakasaad sa ASEAN Vision 2015 ang framework para sa tatahaking direksyon ng rehiyon sa mga susunod na mga taon tungo sa pagpapalakas sa aspetong pang-seguridad, ekonomiya at panlipunan.
Batay sa deklarasyon, sa ngayon ang mga bansa na magkaroon ng iisang economic strategy, kilalanin ang kakayahang propesyunal ng bawat bansa, at magkaroon ng pangkalahatang konsultasyon kaugnay sa macro economic at polisiyang pampinansyal upang mapanatili ang malayang paggalaw ng kalakalan sa rehiyon.
Napagkasunduan rin ang pagpapalakas ng ugnayang pangtransportasyon, imprastraktura at bukas na komunikasyon.
Isusulong rin ang electronic transactions; pag-uugnay ng mga industriya sa rehiyon upang maging bukas sa oportunidad ng pageempleyo at ang pagpapalakas ng partisipasyon ng pribadong sektor.
Ilan sa tinukoy na propesyon na mabibigyan ng malayang paggalaw sa rehiyon ay ang engineers, architects, nurses, doctors, dentists, accountants, surveyors and tourism professionals.
Batay sa ulat, ang South East Asia ay itinuturing na ikapitong pinakamalaking ekonomiya sa mundo kung saan nakapagbibigay ito ng combined economic output na $2.6 trillion kada taon.
Samantala, sa bilateral talks ng ASEAN at Estados Unidos, sinabi ni U.S President Barack Obama na dapat ay itigil na ang pagtatayo ng artificial islands at militarisasyon sa pinagaagawang teritoryo sa South China Sea.
Ito ay dahil apektado na ng reclamation activity ng China ang kalakalan sa East Asia dahil sa pagbabawal nito sa Freedom of Navigation sa lugar.
Sa South China sea dumadaan ang mga barkong pangkalakal ng maraming bansa na bumubuo sa $5 trillion world trade income kada taon.
Gayundin, nanawagan si United Nations Secretary-General Ban Ki-Moon sa pagharap nito sa ASEAN Summit ng mapayapang pagresolba sa maritime dispute.
Ito ay matapos magpahayag ang China na sa China na ipagpapatuloy nito ang pagttayo ng military at civilian facilities sa binubuo nitong artificial island sa South China Sea. (Marje Navarro/UNTV News)
Tags: ASEAN Community, ASEAN Leaders, South China Sea, U-S President Barack Obama
